Premabase · Śrīmad Bhāgavatam · Canto 1 · Chapter 13
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.13.33
← 1.13.321.13.34 →
api mayy akṛta-prajñe hata-bandhuḥ sa bhāryayā |
āśaṁsamānaḥ śamalaṁ gaṅgāyāṁ duḥkhito’patat ||
Translation
— translation pending —
Commentary
Śrīdhara Svāmī
bhāvārtha-dīpikā
akṛta-prajñe manda-matau |
śamalam aparādham āśaṁsamāna āśaṅkamānaḥ |
bhāryayā saha ||
Jīva Gosvāmī
krama-sandarbhaḥ
apīti |
śamalam asya mad-vadhātmakam api pāpaṁ bhavatv iti vāñchayety arthaḥ ||
Viśvanātha Cakravartī
sārārtha-darśiṇī
dhṛtarāṣṭraḥ śamalaṁ mat-kartṛkam aparādham āśaṁsamānaṁ yudhiṣṭhireṇa mama eko’pi putro na rakṣitas tat kiṁ me jīvitena ? iti manasānulapan nirvidyamāna ity arthaḥ |
yad vā, asya mad-vadhātmakam api pāpaṁ bhavatv iti vāñchann ity arthaḥ ||
Baladeva Vidyābhūṣaṇa
vaiṣṇavānandinī
akṛta-prajñe manda-matau mayi hata-bandhur dhṛtarāṣṭraḥ śamalam aparādham āśaṁsamānaḥ |
mamaika-putro na rakṣitas tat kiṁ jīviteneti duḥkhito bhāryayā saha gaṅgāyāṁ nyapatat |
yad vā, asya mad-vadhātmakaṁ pāpaṁ bhavatv iti mayi śamalam āśaṁsamāno vāñchan ||
← 1.13.321.13.34 →