Śrīmad Bhāgavatam 1.13.31

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.13.31

ajāta-śatruḥ kṛta-maitro hutāgnir
viprān natvā tila-go-bhūmi-rukmaiḥ |
gṛhaṁ praviṣṭo guru-vandanāya
na cāpaśyat pitarau saubalīṁ ca ||

Translation

— translation pending —

Commentary

Madhvācārya

bhāgavata-tātparyam

pitarau kuntī-dhṛtarāṣṭrau |

na cāpy apaśyataḥ |

tasya manasi teṣāṁ vipad-bhāvo babhūva |

anyathā mahābhārata-virodhāt |

skānde ca—

bhīma-santarjito rājñas tv anujñāṁ prāpya yatnataḥ | dhṛtarāṣṭro vane vāsam akarod vatsara-trayam ||

viduras tad-didṛkṣārtham āgateṣu vanaṁ purā | pāṇḍaveṣu tu rājānaṁ praviśyaikatvam āgataḥ ||

tato dāvāgninā dagdhaṁ dhṛtarāṣṭraṁ ca saubalīm | śrutvā kuntī-carcitānte prāpuḥ pāṇḍu-sutas tadā ||

tāṁs tadā nārado vidvān śamayāmāsa dharmavit | uktottamāṁ patiṁ teṣāṁ niṣṭhāṁ tātkālikīṁ tathā ||

Śrīdhara Svāmī

bhāvārtha-dīpikā

krtaṁ maitraṁ mitra-daivatyaṁ sandhyā-vandanaṁ yena |

natvā saṁpūjya |

pitarau vidura-dhṛtarāṣṭrau ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

kṛtaṁ maitraṁ mitra-daivatyaṁ sandhyā-vandanādikaṁ yena saḥ |

natvā tilādibhiḥ sampūjyeti "praviśa piṇḍīm" itivad ākṣepa-labdham |

nāpaśyat ca-kārāt na jñātavāṁś ca |

pitarau dhṛtarāṣṭra-vidurau ||

Baladeva Vidyābhūṣaṇa

vaiṣṇavānandinī

kṛtaṁ maitraṁ mitra-devatākaṁ sandhyopāsanaṁ yena saḥ |

natva tilādibhir abhyarcyeti praviśa piṇḍīm iti vadākṣepāt prāptaṁ |

pitarau dhṛtarāṣṭra-vidurau ||