Premabase · Śrīmad Bhāgavatam · Canto 1 · Chapter 13
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.13.30
← 1.13.291.13.31 →
patiṁ prayāntaṁ subalasya putrī
pati-vratā cānujagāma sādhvī |
himālayaṁ nyasta-daṇḍa-praharṣaṁ
manasvinām iva sat samprahāraḥ ||
Translation
— translation pending —
Commentary
Śrīdhara Svāmī
bhāvārtha-dīpikā
subalasya putrī gāndhārī sādhvī suśīlā himālayaṁ prayāntaṁ patim anujagāma |
nanu kathaṁ sā sukumārī himādi-duḥkha-bahulaṁ himavantaṁ gatā ? ata āha—nyasta-daṇḍānāṁ praharṣo yasmiṁs tam |
duḥkham api keṣāṁcit praharṣa-hetur bhavatīty atra dṛṣṭāntaḥ |
manasvināṁ śūrāṇāṁ yuddhe saṁs tīvraḥ saṁprahāro yathā |
pāṭhāntare sat-saṁprahāraṁ yuddhaṁ yatheti ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
subalasya putrī gāndhārī |
sādhvī suśīlā |
nanu sā sukumārī himādriṁ duḥkha-bahulaṁ kathaṁ gatā ? ity ata āha—nyasta-daṇḍānāṁ praharṣo yatra taṁ duḥkhakam api keṣāñcid utsāhavatāṁ praharṣa-hetur bhavatīti |
atra dṛṣṭāntaḥ—manasvināṁ śūrāṇāṁ parama-sukumārāṇām api yuddha-vīrāṇāṁ sad utkṛṣṭaḥ samprahāro yuddham iva |
"sat-samprahāram" iti pāṭhe klībatvam ārṣam |
samprahārābhisampāta-kali-saṁsphoṭa-saṁyugāḥ ity amaraḥ ||
Baladeva Vidyābhūṣaṇa
vaiṣṇavānandinī
subalasya putrī gāndhārā himālayaṁ prayātaṁ patim anujagāma |
nanu sā sukumārī himālayaṁ kathaṁ gatā? tatrāha—nyasta-daṇḍānāṁ praharṣo yatra tam, tatra dṛṣṭāntaḥ—manasvināṁ śūrāṇāṁ sukumārāṇām api sat saṁprahāram āhavam iva |
yathāhave svargānandānurāgas tathā mokṣānandānurāgo himālaye pravartaka iti bhāvaḥ ||
← 1.13.291.13.31 →