Śrīmad Bhāgavatam 1.13.29

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.13.29

evaṁ rājā vidureṇānujena
prajñācakṣur bodhita ājamīḍhaḥ |
chittvā sveṣu sneha-pāśān draḍhimno
niścakrāma bhrātṛ-sandarśitādhvā ||

Translation

— translation pending —

Commentary

Śrīdhara Svāmī

bhāvārtha-dīpikā

ājamīḍho’jamīḍha-vaṁśajaḥ |

prajñācakṣur andhaḥ, evaṁ bodhitaḥ san |

draḍhimnaś citta-dārḍhyāt |

bhrātrā sandarśito’dhvā bandha-mokṣayor mārgo yasya saḥ ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

bodhitaḥ mukty-arthaḥ bhakti-miśra-jñānopadeśenety arthaḥ |

ājamīḍhaḥ ajamīḍha-vaṁśajaḥ |

draḍhimnaś citta-dārḍhyād dhetoḥ |

bhrātrā sandarśitaḥ adhvā bandha-mokṣayor mārgo yasya saḥ ||

Baladeva Vidyābhūṣaṇa

vaiṣṇavānandinī

prajñā-cakṣu-randhaḥ, bodhito mukti-phalāṁ hari-bhaktiṁ grāhitaḥ |

ājamīḍho'jamīḍha-vaṁśodbhavaḥ, draḍhimnaś citta-dārḍhyād dhetor niścakrāma, bhrātrā vidureṇa |

sandārśito bandha-muktyor adhvā panthā yasya saḥ ||