Śrīmad Bhāgavatam 1.13.2

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.13.2

yāvataḥ kṛtavān praśnān kṣattā kauṣāravāgrataḥ |
jātaika-bhaktir govinde tebhyaś copararāma ha ||

Translation

— translation pending —

Commentary

Śrīdhara Svāmī

bhāvārtha-dīpikā

tad evāha |

yāvataḥ karma-yoga-vratādi-viṣayān praśnān prathamaṁ kṛtavān |

kauṣāravasya maitreyasya purataḥ |

paścāt tri-catuḥ-praśnārtha-jñāna-mātreṇa govinde jātaika-bhaktiḥ kṛtārthaḥ saṁs tebhyaḥ praśnebhyaḥ upararāma |

tataḥ paraṁ na vijijñāsitavān ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tebhyaḥ praśnebhya upararāma, tad uttaraṁ śrotuṁ naicchat, bhaktau jātāyām anyasya jijñāsyasya vaiyarthyād iti bhāvaḥ ||

Baladeva Vidyābhūṣaṇa

vaiṣṇavānandinī

kauśāravo maitreyaḥ, tebhyaḥ praśnebhyo muninā parihṛtebhya upararāma tad-uttarāṇi śrotuṁ naicchat, tatra hetuḥ—jātaika- iti |

bhaktau jātāyām anya-jijñāsāyā vaiphalyād iti bhāvaḥ ||