Premabase
·
Śrīmad Bhāgavatam
·
Canto 1
· Chapter 13
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.13.1
← 1.12.35-36
1.13.2 →
sūta uvāca
viduras tīrtha-yātrāyāṁ maitreyād ātmano gatim |
jñātvāgād dhāstināpuraṁ tayāvāpta-vivitsitaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
nigamo dhṛtarāṣṭrasya viduroktyā trayodaśe | uktaḥ pautrābhiṣekeṇa vaktuṁ rājño mahāpatham ||
idānīṁ parīkṣitaḥ kali-nigrahādi-karmāṇi kathayiṣyan vidurāgamanena dhṛtarāṣṭra-prasthānaṁ tato’rjunāgamanaṁ, tataḥ śrī-kṛṣṇāntardhānaṁ niśamya pāṇḍava-prasthānaṁ ca nirūpayati tribhir adhyāyaiḥ |
gatiṁ
harim |
tayā
ātma-gatyā
avāptaṁ vivitsitaṁ
jñātum iṣṭaṁ sarvaṁ yena ||
Jīva Gosvāmī
krama-sandarbhaḥ
vidura
iti |
so’yaṁ tṛtīya-skandhānusāreṇa yuddhāt pūrvaṁ duryodhanād vicchidya gata āsīd iti jñeyam |
ātmano gatir
hari-bhaktiḥ,
tayā avāpta-vivitsita
iti taj-jñānenaiva sarvan jñātavān ity arthaḥ, sarvāśrayatvāt tasyāḥ ||
Viśvanātha Cakravartī
sārārtha-darśiṇī
parīkṣito janma vaktuṁ drauṇy-astrādi-kathā yathā | abhiṣekaṁ tathā vaktuṁ vidurāgamanādy abhūt ||
vidurasyopadeśena dhṛtarāṣṭrasya nirgamaḥ | rājño viṣādaḥ śāntiś ca nāradoktyā trayodaśe ||
parīkṣito janma uktvā, kali-nigrahādi-karmāṇi kathayiṣyan, prathamaṁ rājyābhiṣekaṁ vaktuṁ vidurasyāgamanaṁ, tato vairāgyopadeśena dhṛtarāṣṭra-niṣkramaḥ, tato’rjunāgamanaṁ, tataḥ pāṇḍava-prasthānaṁ ca nirūpayati tribhir adhyāyaiḥ |
gatiṁ
kṛṣṇam |
tayā ātma-gatyā avāptam
ātmano
vivitsitaṁ
prāptum iṣṭaṁ yena saḥ |
vidal lābhe ||
Baladeva Vidyābhūṣaṇa
vaiṣṇavānandinī
vane vidura-vākyena dhṛtarāṣṭrasya nirgamaḥ | rājño viṣāda-śāntiś ca nāradoktyā trayodaśe ||
ukta-janmanaḥ parīkṣitaḥ kali-nigrahādīni karmāṇi vakṣyann ādau rājyābhiṣekaṁ vaktuṁ
vidura
syāgamanaṁ tena vairāgyopadeśaṁ tena dhṛtarāṣṭrasya gṛhān nirgamaṁ tato'rjunasyāgamanaṁ tataḥ pāṇḍavānāṁ prasthānaṁ ca varṇayati—vidura ity-ādibhis tribhir adhyāyaiḥ |
maitreyāt
śrī-kṛṣṇād iṣṭād
ātmanaḥ
svasya
gatiṁ
kṛṣṇaṁ |
tayā
gatyā
avāptam
ātmano
vivitsitam āptum
iṣṭaṁ yena saḥ |
vida lābhe dhātuḥ ||
← 1.12.35-36
1.13.2 →