Premabase · Śrīmad Bhāgavatam · Canto 1 · Chapter 12
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.12.15-17
← 1.12.141.12.18 →
tam ūcur brāhmaṇās tuṣṭā rājānaṁ praśrayānvitam |
eṣa hy asmin prajā-tantau purūṇāṁ pauravarṣabha ||
daivenāpratighātena śukle saṁsthām upeyuṣi |
rāto vo’nugrahārthāya viṣṇunā prabhaviṣṇunā ||
tasmān nāmnā viṣṇu-rāta iti loke bhaviṣyati |
na sandeho mahā-bhāga mahā-bhāgavato mahān ||
Translation
— translation pending —
Commentary
Śrīdhara Svāmī
bhāvārtha-dīpikā
he pauravarṣabha ! kurūṇāṁ kuru-vaṁśyānāṁ śukle śuddhe’sminprajā-tantau |
daivena kathaṁbhūtena ? apratighātena durvāreṇa |
saṁsthāṁ nāśam upeyuṣi gate sati vā yuṣmākam anugrahārthāya yasmāt prabhavana-śīlena śrī-viṣṇunā rāto dattaḥ, tasmāl loke viṣṇu-rāta iti nāmnā bhaviṣyati mahābhāgavataś ca |
gunaiś ca mahān bhaviṣyati nātra sandeha iti taṁ rājānaṁ brāhmaṇā ūcur iti trayāṇām anvayaḥ ||
15-17||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
purūṇāṁ puru-vaṁśyānāṁ prajā-tantausaṁsthāṁ nāśam upeyuṣi prāpte sati |
śukle śuddhe rāto dattaḥ |
bālasya tādṛśa-yogyatāyām aśraddadhānaṁ rājānaṁ praty āha—na sandeha iti ||
15-17||
Baladeva Vidyābhūṣaṇa
vaiṣṇavānandinī
purūṇāṁ puru-vaṁśyānāṁ prajā-tantau kule daivena saṁsthāṁ vināśam upeyuṣi sati vo'nugrahārthāya viṣṇunaiṣa rāto datta ity uttareṇa sambandhaḥ ||
śukle viśuddhe ||
viṣṇunā dattatvān-nāmnā viṣṇurāto bhaviṣyati |
atra sandehas te mābhūd ity ūcuḥ ||
← 1.12.141.12.18 →