Śrīmad Bhāgavatam 1.12.14

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.12.14

hiraṇyaṁ gāṁ mahīṁ grāmān hasty-aśvān nṛpatir varān |
prādāt svannaṁ ca viprebhyaḥ prajā-tīrthe sa tīrthavit ||

Translation

— translation pending —

Commentary

Śrīdhara Svāmī

bhāvārtha-dīpikā

varān śreṣṭhān |

svannaṁ śobhanam annaṁ ca |

tīrthavid dāna-kāla-jñaḥ |

yāvan na cchidyate nālaṁ tāvan nāpnoti sūtakam | chinne nāle tataḥ paścāt sūtakaṁ tu vidhīyate ||

iti vacanāt tataḥ pūrvaṁ prādāt, āmānnaṁ vā |

prajā-tīrthe putrotpatti-puṇya-kāle,putre jāte vyatīpāte dattaṁ bhavati cākṣayam iti smṛteḥ |

devāś ca pitaraś caiva putre jāte dvi-janmanām |

āyanti hi nṛpa-śreṣṭha puṇyāham iti cābruvann||

iti ca ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

prajā-tīrthe putrotpatti-puṇya-kāle, putre jāte vyatīpāte dattaṁ bhavati cākṣayam iti smṛteḥ ||

Baladeva Vidyābhūṣaṇa

vaiṣṇavānandinī

prajā-tīrthe putra-janma-puṇya-kāle, putre jāte vyatīpāte datte bhavati cākṣayam iti smaraṇāt |

tīrthavit—

yāvan na chidyate nālaṁ tāvan-nāpnoti sūtakam | chinne nāle tataḥ paścāt sūtakaṁ tu vidhīyate ||

iti-smṛty-ukta-dāna-kālajña ity arthaḥ ||