Premabase · Śrīmad Bhāgavatam · Canto 1 · Chapter 11
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.11.38
← 1.11.371.11.39 →
tam ayaṁ manyate loko hy asaṅgam api saṅginam |
ātmaupamyena manujaṁ vyāpṛṇvānaṁ yato’budhaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
taṁ śrī-kṛṣṇam ayaṁ prākṛto loka ātmaupamyena sva-sādṛśyena saṅginaṁ manujaṁ manyate |
atra hetuḥ—vyāpṛṇvānaṁ vyāpriyamāṇam |
yato’yam abudho’tattva-jñaḥ ||
Jīva Gosvāmī
krama-sandarbhaḥ
tasmād etat tattvam avijñāyaiva—tam ayam iti |
ayaṁ sādhāraṇo loko’saktam api prākṛta-guṇeṣv anāsaktam api |
yata ātmaupamyena manujaṁ vyāpṛṇvānaṁ kāmādi-vyāpāra-yuktaṁ ca manyate |
yathātmanaḥ prākṛta-manuṣyatvādi, tathaiva manyata ity arthaḥ |
ata eva abudhaḥ evāsau loka iti |
||
[prīti-sandarbha 137]
Viśvanātha Cakravartī
sārārtha-darśiṇī
evaṁ vastuto viṣaya-saṅga-rahitam api tam anabhijño bahir-darśī loko viṣaya-saṅginam eva manyata ity āha—tam ayam iti |
ātmaupamyena sva-sādṛśyena |
tatra hetuḥ— vyāpṛṇvāṇaṁ vyāpriyamāṇaṁ satyabhāmāyām āsakter eva pārijātārtha-bahu-vyāpāra-darśanād ity arthaḥ |
ato’budhaḥ sad-asad-vivecana-śūnyaḥ nīlamaṇiṁ kācam iva premāṇam eva viṣayāsaktiṁ niścinotīty arthaḥ ||
Baladeva Vidyābhūṣaṇa
vaiṣṇavānandinī
taṁ viśuddha-prema-saṅginaṁ kuhakāṁśāsaṅgaṁ kṛṣṇamayaṁ tat-svarūpa-guṇānabhijñaḥ sādhāraṇo lokaḥ saṅginaṁ viṣayiṇaṁ manyate, ātmaupamyena sva-taulyena manujaṁ ca |
tatra hetuḥ—vyāpṛṇvānaṁ bhāmārtha-pārijātārtha-bahu-vyāpāra-śālitvād ity arthaḥ |
ato'budhaḥ vastu-svarupānabhijñaḥ viśuddhasya premṇo viṣayāveśatvena grahaṇāt mahendra-maṇer iva kācatveneti bhāvaḥ ||
← 1.11.371.11.39 →