Śrīmad Bhāgavatam 1.11.34

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.11.34

yadyapy asau pārśva-gato raho-gatas
tathāpi tasyāṅghri-yugaṁ navaṁ navam |
pade pade kā virameta tat-padāc
calāpi yac chrīr na jahāti karhicit ||

Translation

— translation pending —

Commentary

Śrīdhara Svāmī

bhāvārtha-dīpikā

pārśva-gataḥ samīpa-sthaḥ, tatrāpi raho-gata ekānte pravartate sma |

pade pade pratikṣaṇaṁ navaṁ navam eva |

atra kaimutya-nyāyaḥ |

kā virameta ? iti |

calā cañcala-svabhāvāpi ||

Jīva Gosvāmī

krama-sandarbhaḥ

cira-virahānantaram etādṛśānurāgodaya-yogyatāyāṁ tāsām evāvasthāntaraṁ kaimutyena dṛṣṭāntayati—yadi iti |

asau śrī-kṛṣṇaḥ |

tāsāṁ śrī-paṭṭa-mahiṣīṇām |

navaṁ navam iti, tac ca tāsāṁ svābhāvikānurāgavatīnāṁ nāścaryam |

yataḥ kā vā anyāpi tat-padād virameta, tat-padāsvādena tṛptā bhavet ? tatra kaimutyenodāharaṇaṁ calāpi iti |

jagati cañcala-svabhāvatvena dṛṣṭyāpi |

34||

[prīti-sandarbhaḥ 90]

Viśvanātha Cakravartī

sārārtha-darśiṇī

pade pade kṣaṇe kṣaṇe tāsāṁ nava-navam eva bhavati |

tatra kaimutyaṁ kā virameta iti |

calā cañcala-svabhāvā śrīḥ sampatti-rūpeti nitya-nūtanatvaṁ tasyoktam ||

Baladeva Vidyābhūṣaṇa

vaiṣṇavānandinī

nanu bahu-kṛtvo'nubhūte nedṛśī tṛṣṇeti cet nitya-nūtanatvāt sety āha—yadyapi iti |

pade pade kṣaṇe kṣaṇe, tasyāṅghri-yugaṁ tāsāṁ navaṁ navaṁ bhavati |

atra kaimutyaṁ—kā virameta iti |

śrīḥ sampad-rupā ||