Premabase · Śrīmad Bhāgavatam · Canto 1 · Chapter 11
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.11.28
← 1.11.271.11.29 →
sitātapatra-vyajanair upaskṛtaḥ
prasūna-varṣair abhivarṣitaḥ pathi |
piśaṅga-vāsā vana-mālayā babhau
ghano yathārkoḍupa-cāpa-vaidyutaiḥ ||
Translation
— translation pending —
Commentary
Śrīdhara Svāmī
bhāvārtha-dīpikā
sitair ātapatra-vyajanair upaskṛto maṇḍitaḥ |
arkaś coḍupo nakṣatra-sahitaś candraś ca cāpam indra-dhanuś ca vaidyutaṁ vidyut tejaś ca taiḥ |
arkaś-chatrasyopamānam |
nakṣatrāṇi puṣpa-vṛṣṭeḥ |
candraḥ paribhrama-kṛta-maṇḍalākārayoś cāmara-vyajanayoḥ |
cāpaṁ vana-mālāyāḥ vidyut tejaḥ piśaṅga-vāsasoḥ |
abhūtopameyam |
yadi ghanasyopari sūrya-bimbam ubhayataś candrau sarvato nakṣatrāṇi madhye ca militaṁ cāpa-dvayaṁ sthiraṁ vidyut-tejaś ca śrīadi bhavet tarhi sa ghano yathā bhāti tathā harir babhāv ity arthaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
vaidyutaṁ vidyut-tejaḥ |
ghanaḥ kṛṣṇasyopamānam |
arkaś chatrasya uḍupau paribhrama-kṛta-maṇḍalākārayoś cāmara-vyajanayoḥ |
uḍavaḥ puṣpa-vṛṣṭeḥ |
cāpau vana-mālāyāḥ vidyut-tejaḥ piśaṅga-vāsasoḥ |
adbhutopameyaṁ yadi ghanasyopari sūrya-bimbam ubhayataś candrau sarvato nakṣatrāṇi madhye ca militaṁ cāpa-dvayaṁ sthiraṁ vidyut-tejo bhavet tarhi sa ghano yathā bhāti tathā harir babhāv iti bhāvaḥ ||
Baladeva Vidyābhūṣaṇa
vaiṣṇavānandinī
sitair ātapatrādibhir upaskṛto'lankṛtaḥ, puṣpair vikīrṇaś ca kṛṣṇo vabhau |
arkaś ca uḍupaḥ sanakṣatraś candraś ca cāpaṁ śatrudhanuś ca vaidyutaṁ vidyut-tejaś ca |
uparyarka-vimbena ubhayataś candra-vimbābhyāṁ sarvato nakṣatrair madhye militābhyāṁ śatru-cāpābhyāṁ sthireṇa vidyut-tejasā ca viśiṣṭo yathā ghanas tathā kṛṣṇaḥ śuśubha ity abhūtopameyam, asambhāvyamānopamāna-samudbhāvanāt, vimbānuvimbopamā cety eke, kṛṣṇādi-dṛṣṭāntavad ghanādeḥ pratipādanāt ||
← 1.11.271.11.29 →