Śrīmad Bhāgavatam 1.11.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.11.1

sūta uvāca

ānartān sa upavrajya svṛddhāñjana-padān svakān |
dadhmau dara-varaṁ teṣāṁ viṣādaṁ śamayann iva ||

Translation

— translation pending —

Commentary

Śrīdhara Svāmī

bhāvārtha-dīpikā

ānartaiḥ stūyamānasya purīṁ nirviśya bandhubhiḥ | ekādaśe ratiḥ samyag yādavendrasya varṇyate ||*||

utsavair uccalat pauram udañcad dhvaja-toraṇam | ullasad-ratna-dīpāli sva-puraṁ prabhur āviśat ||**||

svṛddhān samṛddhān |

dara-varaṁ pāñcajanyaṁ śaṅkham |

dadhmau vāditavān ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

ekādaśe stutaḥ kṛṣṇa ānartaiḥ sva-puraṁ gataḥ | bandhubhir militaḥ kāntā adhinod iti varṇyate ||

dara-varaṁ pāñcajanyaṁ śaṅkham |

iva iti sākṣād-darśanaṁ vinā samyag-viṣādasya śānty-anutpatteḥ ||

Baladeva Vidyābhūṣaṇa

vaiṣṇavānandinī

ānartaiḥ saṁstutaḥ prāpto dvārvatīṁ bāndhavair yutaḥ | harir ekādaśe patnīr atimān parikīrtyate ||

daravaraṁ pāñcajanyam ||