Śrīmad Bhāgavatam 1.11.2

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.11.2

sa uccakāśe dhavalodaro daro'py
urukramasyādhara-śoṇa-śoṇimā ||
dādhmāyamānaḥ kara-kañja-sampuṭe |
yathābja-ṣaṇḍe kala-haṁsa utsvanaḥ ||

Translation

— translation pending —

Commentary

Śrīdhara Svāmī

bhāvārtha-dīpikā

sa iti |

daraḥ śaṅkho dadhmāyamāno bhagavatā āpuryamāṇa uccakāśe’tiśayena śuśubhe ity anvayaḥ |

kathaṁ-bhūto daraḥ ? dhavalam udaraṁ yasya saḥ |

tathāpy urukramasya kṛṣṇasya adharasya yaḥ śoṇa-guṇaḥ, tena śoṇimā yasya saḥ |

kara-kañje kara-kamale tayoḥ saṁpuṭe madhye vartamānaḥ |

katham uccakāśe ? abja-ṣaṇḍe rakta-kamala-samūhe kala-haṁso rāja-haṁsa utsvana ucca-śabdo yathā, tadvat ||

Jīva Gosvāmī

krama-sandarbhaḥ

sa uccakāśa iti padyaṁ citsukhena vyākhyātam asti ||

Viśvanātha Cakravartī

sārārtha-darśiṇī

sa daraḥ śaṅkhaḥ uccakāśe śobhate sma |

adharasya śoṇena guṇena śoṇimā yasya saḥ |

dādhmāyamānaḥ atiśayena vādyamānaḥ |

abja-ṣaṇḍe kamala-samūhe iti caturbhiḥ karair dhṛtatvāt ||

Baladeva Vidyābhūṣaṇa

vaiṣṇavānandinī

sa daraḥ śaṅkhaḥ, uccakāśe śuśubhe, adharasya śoṇena guṇena śoṇimā yasya saḥ |

dadhmāyamānaḥ prapūryamāṇaḥ, abja-ṣaṇḍe padma-vṛnde, caturbhiḥ karair dhṛtatvāt |

tad-guṇo'trālaṅkāraḥ, dareṇādhara-karatalāruṇya-grahaṇāt, tad-guṇaḥ sva-guṇa-tyāgād anyadīya-guṇa-grahaḥ iti tal-lakṣaṇāt ||