Premabase · Śrīmad Bhāgavatam · Canto 1 · Chapter 10
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.10.24
← 1.10.231.10.25 →
sa vā ayaṁ sakhy anugīta-sat-katho
vedeṣu guhyeṣu ca guhya-vādibhiḥ |
ya eka īśo jagad-ātma-līlayā
sṛjaty avaty atti na tatra sajjate ||
Translation
— translation pending —
Commentary
Śrīdhara Svāmī
bhāvārtha-dīpikā
puṇya-ślokatām āhuḥ |
he sakhi, yo vedeṣu rahasy āgameṣu ca rahasya-nirūpakair anugīta-sat-kathaḥ, anugītāḥ satya-kathā yasya sa evāyam |
gāna-prakāram āhuḥ—ya eka īśa ity-ādi ||
kaivalya-dīpikā : nirākāram uktvā sākāraṁ nirūpayati—sa eva iti |
sa eva nirākāra eva |
prakṛtim anusasāra, adhiṣṭhitatvāt |
bhūyaḥ sṛṣṭi-pravāhāsyānāditvāt |
nija-vīrya-coditāṁ kāla-preritām |
ata eva sva-jīva-māyāṁ sisṛkṣatīṁ svasminn īśvare jīva-māyām asatyaṁ jīva-sattvaṁ sraṣṭum icchantīm |
arūpasya rūpāṇi, anāmno nāmāni, sañcityānusasāra |
tāni cānye jānantv iti |
śāstrakṛt śāstraṁ vedaḥ ||
[mu.pha. 11.10]
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
kiṁ ca, asya līlā-kathātirahasyā rahasya-lokair eva vedety āha—sa vā iti |
ayam arjunasya sakhā narākṛtiḥ vedeṣu guhyeṣu śāstreṣu ca guhya-vādibhir atirahasyasya rūpakair asyaiva kair api lokair angītāḥ satyaḥ kathā yasya saḥ |
yaḥ khalu eka eva īśaḥ īśvaraḥ san, na tu sākṣād etad-rūpa ity arthaḥ ||
Baladeva Vidyābhūṣaṇa
vaiṣṇavānandinī
nanv evam enaṁ sarve na vadanti? tatrāhuḥ—iti |
he sakhi! sa evāyaṁ guhyeṣu vedeṣu gopāla-tāpany-ādiṣu guhya-vādibhir etad-rahasya-vaktṛbhir durvāsaḥ-prabhṛtibhir anu nirantaraṁ gītā sat-kathā yasya saḥ |
anugāna-prakāram āha—ya iti |
ekaḥ sahāya-śūnyaḥ |
oṁ namo viśva-rūpāya viśva-sthity-anta-hetave | viśveśvarāya viśvāya govindāya namo namaḥ
[go.tā.u. 1.35]
← 1.10.231.10.25 →