Premabase · Śrīmad Bhāgavatam · Canto 1 · Chapter 10
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.10.2
← 1.10.11.10.3 →
sūta uvāca
vaṁśaṁ kuror vaṁśa-davāgni-nirhṛtaṁ
saṁrohayitvā bhava-bhāvano hariḥ |
niveśayitvā nija-rājya īśvaro
yudhiṣṭhiraṁ prīta-manā babhūva ha ||
Translation
— translation pending —
Commentary
Śrīdhara Svāmī
bhāvārtha-dīpikā
rājya-pravṛttau śrī-kṛṣṇasya prītiṁ paryālocya pravṛtta ity āśayenottaram āha |
vaṁśaṁ kuroḥ samrohiyatvā parīkṣid-rakṣaṇena saṁrohya aṅkuritaṁ kṛtvā |
kathaṁ-bhūtam ?vaṁśa-davāgni-nirhṛtaṁ vaṁśa eva davo vanaṁ, tasmād udbhūto yaḥ krodha-rūpo’gniḥ, tena nirhṛtaṁ dagdham |
nija-rājye niveśya ca ||
Jīva Gosvāmī
krama-sandarbhaḥ
vaṁśam ity asya ṭīkāyāṁ rājya-pravṛtter uttaram āhety anvayaḥ ||
Viśvanātha Cakravartī
sārārtha-darśiṇī
śrī-kṛṣṇasya prītiṁ paryālocyaiva pravṛtta ity āśayenottaram āha—kuror vaṁśaṁ vaṁśa-davāgninā iva nirhṛtaṁ nirdagdhaṁ saṁrohayitvā parīkṣid-rakṣaṇena saṁrohya, davo vanaṁ vaṁśānāṁ vanam, yathā sva-saṅgharṣotthenāgninā dahyate, tathaiva kuror vaṁśam api paraspara-krodhottha-yuddhena hatam ity arthaḥ |
bhavaṁ mahā-devam api bhāvayati sva-līlāṁ dhyāpayatīti saḥ ||
Baladeva Vidyābhūṣaṇa
vaiṣṇavānandinī
bhagavat-prītiṁ vilokya rājye pravṛtta iti bhāvenottaram āha—kuru-vaṁśaṁ vaṁśa-davāgnin eva nirhṛtaṁ nirdagdhaṁ saṁrohayitva parīkṣid-rakṣaṇena sphuritaṁ kṛtvā ity arthaḥ |
veṇūnāṁ vanaṁ yathā mithaḥ saṅgharṣotthenāgninā dagdhaṁ bhaved evaṁ kurūṇāṁ vṛndam api krodhotthena yuddhena hatam ity arthaḥ |
bhavaṁ śivam api bhāvayati sva-līlām iti bhava-bhāvanaḥ |
harati sva-bhaktānāṁ duḥkham iti hariḥ ||
← 1.10.11.10.3 →