Śrīmad Bhāgavatam 1.10.1

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.10.1

śaunaka uvāca

hatvā sva-riktha-spṛdha ātatāyino
yudhiṣṭhiro dharma-bhṛtāṁ variṣṭhaḥ |
sahānujaiḥ pratyavaruddha-bhojanaḥ
kathaṁ pravṛttaḥ kim akāraṣīt tataḥ ||

Translation

— translation pending —

Commentary

Śrīdhara Svāmī

bhāvārtha-dīpikā

daśame kṛta-kāryasya hastināpuro hareḥ | strībhiḥ saṁstūyamānasya varṇyate dvārakāgamaḥ ||

rājyaṁ ca-kārety uktaṁ, tataḥ pṛcchati—hatveti |

svasya rikthe dhane spardhante sma ye te tathā |

yad vā, sva-rikthāya spṛt saṅgrāmo yeṣām eva dhanādi-haraṇād ātatāyinaḥ, tān hatvā |

pratyavaruddha-bhojano bandhu-vadha-duḥkhena saṅkucita-bhogo, rājya-lābhena prāpta-bhogo vā |

kathaṁ rājye pravṛttaḥ ? pravṛtto vā tataḥ kim akārṣīt? ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

nāsya niṣkaṇṭake rājye pāṇḍavaṁ sva-purīṁ hareḥ | gacchataḥ kuru-nārībhiḥ stutir daśama ucyate ||

vāsudevānumodenaiva rājya-pravṛtti-prajā-pālanādikaṁ sāmānyato jñātvāpi viśeṣaṁ jijñāsuḥ pṛcchati—hatveti |

svasya rikthe dhane spardhante sma ye, tān |

śatrubhir avaruddhaṁ yadāsīti, tat tebhyaḥ sakāśāt pratyavaruddhaṁ punaś ca sva-vaśīkṛtaṁ bhojanaṁ bhogo yena saḥ ||

Baladeva Vidyābhūṣaṇa

vaiṣṇavānandinī

rājye yudhiṣṭhiraṁ nyasya govinde hata-kaṇṭake | gacchan dvārāvatīṁ strībhiḥ saṁstuto daśame muhuḥ ||

kṛṣṇa-tad-bhaktayoḥ kathāsva vitṛptaḥ punaḥ pṛcchati—hatveti |

svasya rikthe dhane ye spardhante sma, tān dhanāpahāritvād ātatāyino duryodhanādīn hatvā |

śatrubhir yad avaruddhaṁ tat tebhyaḥ sakāśāt praty avaruddhaṁ punar vaśīkṛtaṁ bhojanaṁ bhogo yena saḥ ||