Śrīmad Bhāgavatam 1.10.3

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.10.3

niśamya bhīṣmoktam athācyutoktaṁ
pravṛtta-vijñāna-vidhūta-vibhramaḥ |
śaśāsa gām indra ivājitāśrayaḥ
paridhy-upāntām anujānuvartitaḥ ||

Translation

— translation pending —

Commentary

Madhvācārya

bhāgavata-tātparyam

amātyā mantriṇo dūtāḥ śreṇayaś ca purohitāḥ | purañjana-padaṁ ceti sapta-praṇidhayaḥ smṛtāḥ ||

Śrīdhara Svāmī

bhāvārtha-dīpikā

pravṛttau hetum uktvā kim akārṣīt ? ity asyottaram āha |

pravṛttaṁ yad vijñānaṁ parmeśvarādhīnaṁ jagan na svatantram ity evaṁ-bhūtaṁ tena vidhūto vibhramo’haṅkārtety evaṁ-bhūto moho yasya saḥ |

anujair anuvartitaḥ sevataḥ san |

ajitaḥ śrī-kṛṣṇa evāśrayo yasya saḥ |

paridhiḥ samudras tat-paryantāṁ gāṁ pṛthivīṁ pālayām āsa ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

niśamya iti |

pravṛttaṁ yad vijñānaṁ parameśvarādhīnaṁ jagan na svatantram ity evaṁ-bhūtaṁ tena vidhūto vibhramo’haṁ kartety evaṁ-bhūto moho yasya saḥ |

gāṁ pṛthvīṁ svargaṁ ca |

ajitaḥ śrī-kṛṣṇaḥ upendraś ca paridhayaḥ samudrād ūrdhvagaṁ diṅ-maṇḍalaṁ ca anujānām anuvartitā anuvṛttir yasmin |

pakṣe, anujenopendreṇānuvṛttiṁ prāpitāḥ ||

Baladeva Vidyābhūṣaṇa

vaiṣṇavānandinī

kim akārṣīt ? ity asyottaram āha—niśamya iti |

pravṛttaṁ yad-vijñānaṁ pareśādhīno loko na svatantra ity evaṁ-bhūtena vidhūto vibhramaḥ svatantra-kartṛtvābhimāno yasya saḥ |

gāṁ pṛthivīṁ svargaṁ ca |

ajitāśrayaḥ kṛṣṇa-sahāyaś ca paridhayo'rṇavā urdhvaga-diśaś ca |

anujānāṁ bhīmādīnām anuvartitā yasmin saḥ |

pakṣe, anujenopendraṇānuvṛttiṁ prāpitaḥ ||