ātmani vibhu-vijñānānande kṛṣṇe bhagavaty evaṁ pārtha-sārathitvena vijñāte mana-ādi-vṛttibhir ātmānaṁ svamāveśya nirataṁ kṛtvā pūrakeṇāntaḥ-śvāsaḥ sann upāramat nivṛttim agāt |

bhīṣmasya paramārtyaikāntitvāt-tat-prāṇāder ihaiva vigamaḥ, sa tu viśuddhaḥ puraḥsthaṁ kṛṣṇaṁ prāpety ārta-bhāga-yājñavalkya-praśnottarā-dveditavyam, etac ca spaṣṭau hy ekeṣām iti sūtra-bhāṣye nirṇītaṁ draṣṭavyam |

evam aspandāsuryathā taruḥ ity atra parīkṣito'pi tādṛśasya vyākhyeyam ||