Premabase · Śrīmad Bhāgavatam · Canto 1 · Chapter 9
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.9.41
← 1.9.401.9.42 →
muni-gaṇa-nṛpa-varya-saṅkule’ntaḥ-
sadasi yudhiṣṭhira-rājasūya eṣām |
arhaṇam upapeda īkṣaṇīyo
mama dṛśi-gocara eṣa āvir ātmā ||
Translation
— translation pending —
Commentary
Śrīdhara Svāmī
bhāvārtha-dīpikā
jagat-pūjyatām anusmarann āha |
muni-gaṇair nṛpair yaiś ca saṅkule vyāpte’ntaḥ-sadasi sabhā-madhye yudhiṣṭhirasya rāja-sūye eṣāṁ muni-gaṇādīnām īkṣaṇīyaḥ aho rūpam aho mahimety evam āścaryeṇa vilokanīyaḥ sann arhaṇam upapade prāpa |
eṣa jatām ātmā mama dṛśi-gocaro dṛṣṭi-viṣayaḥ sann āviḥ prakaṭo vartate |
aho me bhāgyam iti bhāvaḥ ||
Jīva Gosvāmī
krama-sandarbhaḥ
tad evaṁ sarva-śubha-svabhāvatvam uktvā sarva-pūjyatva-sarva-manoharatva-sarva-durlabha-darśanatvāny āha—muni-gaṇeti |
ātmā paramātmā ||
41||
Viśvanātha Cakravartī
sārārtha-darśiṇī
kiṁ ca, samprati pratyakṣīkṛtaṁ mad-bhāgyam eva tat-prāpter āvaśyakatvaṁ kathayatīty āha munīti |
antaḥ-sadasi sabhā-madhye yudhiṣṭhirasya rājasūye eṣāṁ muni-gaṇādīnām īkṣaṇīyaḥ aho rūpam aho mahimety evam āścaryeṇa vilokanīyaḥ san upapede prāpa yaḥ sa eṣa mamātmā mat-prāṇa-nāthaḥ samprati mama dṛśi gocara eva mat-prārthitaṁ dadāna evāste iti ||
Baladeva Vidyābhūṣaṇa
vaiṣṇavānandinī
sarvābhyacyatvaṁ smaraṁs tad eva svaprāpyaṁ rūpaṁ prārthayate—ambhaḥ-sadasi sabhāmadhye yudhiṣṭhirasya rājasūye yajñe munigaṇādīnām aho lāvaṇyam aho mahimā ity evam īkṣaṇīyaḥ sann arhaṇam agra-pūjām upapede, sa eṣa ātmā viśvāntaryāmī vibhu-vijñānānandaḥ kṛṣṇo mama dṛg-gocaraḥ san āvirāste, madīyaṁ bhāgyaṁ mahad iti bhāvaḥ ||
← 1.9.401.9.42 →