anayaiva viśuddhayā dhāraṇayā hatam aśubhaṁ yasya saḥ |
tasya śrī-kṛṣṇasyāpekṣayā kṛpā-dṛṣṭyaiva gata āyudha-śramo yasya saḥ |
ata eva nivṛttaḥ sarvendriya-vṛttīnāṁ vibhramo vividhaṁ bhramaṇaṁ yasmāt saḥ |
janyaṁ dehaṁ visṛjan janārdanam astaut ||
kaivalya-dīpikā : viśuddhā niṣkāmāḥ aśubhaṁ pūrvam aghaṁ tasya śrī-kṛṣṇasya īkṣayā sākṣātkāreṇa gatāni āyudha-vyathāni yasya, sa tathā |
āyudhavat vyathayanti ity āyudha-vyathāni uttara-pāpāni |
tathā coktaṁ—tad-adhigama uttara-pūrvāghayor aśleṣa-vināśau tad-vyapadeśāt |
śrutiś ca—yatheṣīkā-tūlam agnau protaṁ pradūyetaivaṁ hāsya sarve pāpmānaḥ pradūyante iti |
vibhramo vividhaṁ bhramaṇam |
tasya nirvṛtir apūrva-kṛṣṇākhyaṁ viṣaya-labhyāt janyaṁ śarīraṁ visṛjan tyajan |
janārdanaṁ kaivalya-dātāraṁ puruṣam ity ucita-pada-prayogaḥ ||