sahasraṇīr yuddhe samīpa-sthān sahasraṁ rathino nayati pālayatīti sahasraṇīr bhīṣmaḥ |
"sahasriṇīḥ" iti pāṭhe sahasrārthavatīr giriḥ |
lasantau pītau paṭau yasya tasmin |
amīlita-dṛg eva mano vyadhārayat ||
kaivalya-dīpikā : evaṁ jīvanmuktaṁ lakṣayitvā stutvā cedānīm avasitādhikārasya tasya śarīra-pātam āha—tadā iti |
tadā tasyāṁ daśāyāṁ sahasraṇīḥ sahasreṇa vyāpārāṇāṁ labdha-balāḥ giraḥ upasaṁhṛtya etena sarvendriyoparatir upalakṣitā |
ata eva vimukta-saṅgaṁ mīlitā dṛg buddhīndriya-vṛttiḥ yasmin manasi nidhāya manaḥ kṛṣṇe vyadhārayad ity arthaḥ |
anena pratyāhāra-pūrvā dhāraṇoktā ||