yadyapi tādṛśasya tan na sambhavati, tathāpi he bhūpa ! ekānta-bhakteṣu yuṣmāsv anukampāṁ paśya |
yeṣāṁ bhakti-viśeṣeṇa para-vaśaḥ sann asāv api tathā tathātmānaṁ bāḍham evābhimanyata ity arthaḥ |
yaḥ khalu śarīrasyāpi sambandha-hetuḥ so’bhimāna eva hi sambandha-hetur mukhyaḥ, na śarīram |
evaṁ sati, svāvirbhāvādinā śarīra-sambandhe’pi tasya mātuleyatvādikaṁ sutarām eva sidhyatīti tātparyam |
tatra hetur—yan me’sūn iti |
yad yasmāt yuṣmat-sambandhād eva hetoḥ |
tad evaṁ paramopādeyatva-jñānād eva tat-sambandhātmaka eva śrī-bhagavānutkrāntāv api muhur eva nijālambanī-kṛtaḥ vijaya-sakhe ratir astu me’navadyā iti, pārtha-sakhe ratir mamāstu iti, vijaya-ratha-kuṭumbaḥ ity ārabhya bhagavati ratir astu me mumūrṣoḥ iti ca ||