Premabase · Śrīmad Bhāgavatam · Canto 1 · Chapter 9
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.9.18
← 1.9.171.9.19 →
eṣa vai bhagavān sākṣād ādyo nārāyaṇaḥ pumān |
mohayan māyayā lokaṁ gūḍhaś carati vṛṣṇiṣu ||
Translation
— translation pending —
Commentary
Śrīdhara Svāmī
bhāvārtha-dīpikā
anuvidheyaḥ parameśvarasya śrī-kṛṣṇa evety āha |
eṣa eva bhagavān sarveśvaraḥ |
yata ādyaḥ pumān |
tac ca kutaḥ ? yato nārāyaṇaḥ sakṣāt ||
Jīva Gosvāmī
krama-sandarbhaḥ
na ca nara-līlā-dṛṣṭyā sādhāraṇa-dṛṣṭir atra kartavyety āha—eṣa iti |
sākṣād eva svayaṁ bhagavān |
yaḥ sva-lavādyaḥ pumān mahat-sraṣṭā so’py ayam eva yaś ca ādyo nārāyaṇaḥ parama-vyomādhipatiḥ, so’pīti ||
Viśvanātha Cakravartī
sārārtha-darśiṇī
nanv īśvarādhīnam iti tad-vidhitsitaṁ tu na vedety-ādi kathaṁ brūṣe ? īśvaraḥ samprati tava sākṣād-varty eva ity ata imaṁ kṛṣṇam eva pṛṣṭvā kathaṁ sarvaṁ tattvaṁ na vetsi ? ity ata āha—eṣa iti |
māyayā mohayann iti pṛṣṭo hi bhīṣmād api kim aham atitattvajña ity-ādi vācā vañcayan na vakṣyati |
kathañcid vadann api mohayiṣyaty eva ity asāv anuvartanīya eva, na tu jijñāsanīya iti bhāvaḥ ||
Baladeva Vidyābhūṣaṇa
vaiṣṇavānandinī
nanu kṛṣṇaikāntino'smād anyad anuvidheyaṁ, daivaṁ kim ity upadiśasi? tatrāha—eṣa iti |
ādyo nārāyaṇaḥ pañcaviṁśati-tattvāśrayaḥ, tatrāpi sākṣād bhagavān svayaṁ-rūpas tasyāpy aṁśīty arthaḥ |
nanv evam anye naivāhur iti cet, tatrāha—mohayann iti |
tad-eka-niṣṭhās tv āhur eveti bhāvaḥ ||
← 1.9.171.9.19 →