Śrīmad Bhāgavatam 1.9.13

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.9.13

saṁsthite’tirathe pāṇḍau pṛthā bāla-prajā vadhūḥ |
yuṣmat-kṛte bahūn kleśān prāptā tokavatī muhuḥ ||

Translation

— translation pending —

Commentary

Śrīdhara Svāmī

bhāvārtha-dīpikā

kiṁ ca, saṁsthite mṛte |

bālāḥ prajāḥ putrā yasyāḥ sā |

vadhūś ceti dainyaṁ pradarśitam |

tokāny apatyāni, tadvatī |

apatyaiḥ saha kleśān prāptā ity arthaḥ ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

nanu kiṁ kliṣṭaṁ ? tatrāha—saṁsthite mṛte |

bāla-prajā iti bāla-prajātva-daśāyām ekākiny eva kleśān prāptā |

yuṣmākaṁ prauḍha-vayastve sati tu tokavatī putrair yuṣmābhiḥ sahitāpi kaṣṭān prāptety arthaḥ ||

Baladeva Vidyābhūṣaṇa

vaiṣṇavānandinī

kaṣṭam āha—saṁsthite mṛte sati |

bāla-prajā vadhūr iti dainyaṁ pradarśitaṁ, tādṛśī bahūn kleśān prāptā, tokavatī ca prauḍhaiḥ yuṣmābhiḥ putraiḥ sahitāpi tān muhuḥ prāpteti ||