Premabase · Śrīmad Bhāgavatam · Canto 1 · Chapter 9
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.9.12
← 1.9.111.9.13 →
aho kaṣṭam aho’nyāyyaṁ yad yūyaṁ dharma-nandanāḥ |
jīvituṁ nārhatha kliṣṭaṁ vipra-dharmācyutāśrayāḥ ||
Translation
— translation pending —
Commentary
Śrīdhara Svāmī
bhāvārtha-dīpikā
abhibhāṣaṇam āha—aho ity ekādaśabhiḥ |
he dharma-nandanāḥ ! kliṣṭaṁ yathā bhavati, evaṁ jīvituṁ nārhatha yūyam iti yad etad aho kaṣṭaṁ jugupsitam |
aho anyāyyaṁ caitat |
yato yūyaṁ viprā dharmo’cyutaś cāśrayo yeṣāṁ te ||
Jīva Gosvāmī
krama-sandarbhaḥ
aho kaṣṭam iti taiḥ |
tatra iti yad iti tad etad yad bhavad-vicāritam ity arthaḥ |
tato viprādīnāṁ hiṁsā-bhrāntyā mā kleśaṁ manyasveti bhāvaḥ |
vipra-dharmeti ṣaṣṭhī-tat-puruṣo vā |
yad vā, dharma-nandanā api yad yūyaṁ jīvituṁ yogyā na bhavāmeti manyadhve, tad aho kaṣṭam anyāyyaṁ ca |
tatrāpi vipra-dharmācyutānām āśrayā api yūyaṁ yat tathā manyadhve, tataś ca kliṣṭam iti pūrvavad evānyāyyaṁ kaṣṭaṁ cety arthaḥ |
yūyam iti śrī-yudhiṣṭhiraṁ praty eva gauravataḥ sambodhanam ||
Viśvanātha Cakravartī
sārārtha-darśiṇī
aho kaṣṭam aho’nyāyyam iti rājany atideśa evānyāya-kaṣṭe khalu na sambhavatas tat kim atrārthe sarva-viśva-sthiti-kartari viṣṇāv evānyāyaḥ samabhūd iti bhāvaḥ |
kliṣṭaṁ yathā syāt, tathā yūyaṁ jīvituṁ nārhatha, anye tathā jīvanti cet jīvantv iti bhāvaḥ ||
Baladeva Vidyābhūṣaṇa
vaiṣṇavānandinī
tān vilokayaṁs teṣāṁ kaṣṭa-hetuṁ tāvad durvibhāvyam āha—aho kaṣṭam iti |
he dharma-nandanāḥ kliṣṭaṁ yathā syād, evaṁ yūyaṁ jīvituṁ nārhatha, yato viprādy-āśrayāḥ ||
← 1.9.111.9.13 →