Premabase · Śrīmad Bhāgavatam · Canto 1 · Chapter 8
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.8.45
← 1.8.441.8.46 →
tāṁ bāḍham ity upāmantrya praviśya gajasāhvayam |
striyaś ca sva-puraṁ yāsyan premṇā rājñā nivāritaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
tvayi me’nya-viṣayā matiḥ [bhā.pu. 1.8.42] iti yat prārthitaṁ, tad bāḍham ity aṅgī-kṛtya ratha-sthānād gaja-sāhvayam āgatya, paścāt tāṁ cānyāś ca subhadrā-pramukhāḥ striyaḥ upamāntrya anujñāpya sva-puraṁ yāsyan rājñā yudhiṣṭhireṇa premṇā atraiva kiñcit kālaṁ nivaseti saṁprārthya nivāritaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
tvayi me’nya-viṣayā matiḥ [bhā.pu. 1.8.42] iti yat prārthitaṁ, tad bāḍham ity aṅgīkṛtya ratha-sthānāt gajasāhvayaṁ pratyāgatya paścāt tāṁ ca anyāś ca subhadrā-pramukhāḥ striyaḥ upāmantrya anujñāpya sva-puraṁ yāsyan rājñā yudhiṣṭhireṇa premṇā atraiva kañcit kālaṁ nivaseti samprārthya nivāritaḥ |
tena ca rājñā premṇaḥ sarvato’pi vaśīkaraṇatvātiśayo vyañjitaḥ ||
Baladeva Vidyābhūṣaṇa
vaiṣṇavānandinī
me matis tvayi ratim udvahatād [bhā.pu. 1.8.42] iti yad abhyarthitaṁ, tad bāḍham iti svīkṛtya ratha-sthānād gajasāhvayaṁ praviśya nyavasat |
paścāt striyaḥ pṛthā-draupadī-subhadrānyā upāmantrya āpṛcchya sva-puraṁ yāsyan rājñā premṇā nivāritaḥ |
ihaiva kañcit kālaṁ nivaseti saṁprārthya sthāpita ity atibalīyāṁs tat-premeti dhvanyate ||
← 1.8.441.8.46 →