Śrīmad Bhāgavatam 1.8.44

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.44

sūta uvāca

pṛthayetthaṁ kala-padaiḥ pariṇūtākhilodayaḥ |
mandaṁ jahāsa vaikuṇṭho mohayann iva māyayā ||

Translation

— translation pending —

Commentary

Śrīdhara Svāmī

bhāvārtha-dīpikā

kalāni madhurāṇi padāni yeṣu tair vākyaiḥ pariṇūtaḥ stuto’khila udayo mahimā yasya saḥ |

ṇu stutāv ity asmāt |

pariṇuteti vaktavye dīrgha-śabda-chando'nurodhena |

mandam īṣat |

tasya hāsa eva māyā |

vakṣyati hi—hāso janonmāda-karī ca māyā [bhā.pu. 2.1.31] iti ||

Jīva Gosvāmī

krama-sandarbhaḥ

pariṇūta- iti "taudādikaṇū śistavan" ity asya rūpatvena dīrghatvam |

māyayeva mohayann iti mohana-mātrāṁśe dṛṣṭāntaḥ hāso janonmāda-karī ca māyā [bhā.pu. 2.1.31] iti tu virāḍ-gatam eva |

yadi vākyālaṅkāra iva-śabdaḥ, tadā māyā-śabdo’pi kṛpā-vācaka eveti |

māyā dambhe kṛpāyāṁ ca iti koṣa-kārāḥ ||

Viśvanātha Cakravartī

sārārtha-darśiṇī

pariṇūteti |

"taudādikaṇūśi stavana" ity ayaṁ dīrghānta eva |

māyayeva mohayan, na tu māyayā, kintu premṇaivety arthaḥ ||

Baladeva Vidyābhūṣaṇa

vaiṣṇavānandinī

kalāni madhurāni padāni yeṣu tair vākyaiḥ, pariṇuteti "nū stavane" dīrghāntas taudādikaḥ |

māyayā kṛpayā mohayann iveti tan-mohasya svābhāvikatvādiva-śabdaḥ |

yad vā, māyayeva mohayanna tu māyayā kintu premṇaivety arthaḥ ||