yarhy aham idānīm ihaiva sthito’bhūvaṁ tarhy asana-mṛtyu-kālaṁ mad-darśanaṁ vinā martum anicchantaṁ bhīṣmaṁ sva-bhaktam ātmānaṁ sa-parikaram eva sandarśya sukhayāmi |
loke tad-utkarṣaṁ khyāpayituṁ tan-mukhenaiva rājānaṁ ca prabodhayāmīti bhagavad-abhiprāyaṁ vyañjayann āha—īśvarasya kṛṣṇasya īhāyā uktala-kṣaṇasya abhiprāyasya ajñair vijñair vā |
adbhuta-karmaṇeti idam asyādbhutaṁ karma—yat svayam evāsya hṛdi praviśya avivekam utthāpitavān |
bahiś ca sva-kartṛkeṇa vyāsādi-kartṛkeṇāpi prabodhanābodham eva dṛḍhīcakāra |
tena ca bhīṣma-mukhoditena tattvena taṁ prabodhya vyāsādibhyo’pi matto’pi mad-ekānta-bhakto bhīṣmo’tiśayena dharma-jñāna-tattvajña iti loke vikhyāpayāmāsa |
kiṁ ca, yudhiṣṭhirasya tu tato’pi premādhikyād ādhikyaṁ yat tad-anurodhenaiva dvārakām agacchaṁs tatra sthitaḥ, tata eva tan-nikaṭaṁ gatbā tathā cakre iti vivecanīyam ||