Śrīmad Bhāgavatam 1.8.38

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.8.38

ke vayaṁ nāma-rūpābhyāṁ yadubhiḥ saha pāṇḍavāḥ |
bhavato’darśanaṁ yarhi hṛṣīkāṇām iveśituḥ ||

Translation

— translation pending —

Commentary

Madhvācārya

bhāgavata-tātparyam

yarhi bhavato darśanaṁ tadā yadūnām asmākaṁ nāma-rūpe ||

Śrīdhara Svāmī

bhāvārtha-dīpikā

nanu tava bandhavo yadavaḥ putrāś ca pāṇḍavāḥ śūrāḥ samarthāś ca tat kiṁ kārpaṇyaṁ bhāṣase’ta āha—ke vayam iti |

yarhi bhavato’drśanaṁ yadā tvam asmān na paśyasi tadā nāma-rūpābhyāṁ nāmnā vikhyātyā rūpeṇa samṛddhayā ca yadubhiḥ pāṇḍavā nāma ke vayaṁ na ke’pi |

atitucchā ity arthaḥ |

hṛṣīkāṇām indriyāṇām īśitur jīvasyādarśane yathā na kiṁcin nāma ca rūpaṁ ca tadvat ||

Jīva Gosvāmī

krama-sandarbhaḥ

pāṇḍavāḥ pāṇḍu-sambandhinaḥ ||

Viśvanātha Cakravartī

sārārtha-darśiṇī

nanu bhīmārjunādayas te putrā mahā-baliṣṭhā eva |

rājā tu sākṣād dharma eva |

yādavāś ca bāndhavā iti na te kāpi cintā ity ata āha—ke vayam iti |

nāmnā khyātyā rūpeṇa sāmarthyena ca |

īśitur jīvasyādarśane hṛṣīkāṇāṁ yathā na kiñcin nāma rūpaṁ ca tadvat ||

Baladeva Vidyābhūṣaṇa

vaiṣṇavānandinī

nanu tava śatravo nihatāḥ, yādavā bāndhavāḥ santi, putrāścātiśūrā dharma-pradhānā dīpyante, tathāpy evaṁ kiṁ bhāṣase? tatrāha—ke vayam iti |

bhavato yarhya darśanaṁ yadā tvam asmān na paśyasi tadā nāma-rūpābhyāṁ khyāti-samṛddhibhyāṁ vayaṁ ke? na ke'pīty arthaḥ |

asmākaṁ te viphale syātāṁ, yathā hṛṣīkāṇam īśitūrjīvasyādarśane te viphale tadvat |

tvad-viyogo'smākaṁ mṛtikalpa iti bhāvaḥ ||