idānīṁ tavāsmat-parityāgo’nucita ity āśayenāha—apīti caturbhiḥ |
he prabho, suhṛdo’tisnigdhān anujīvinaś ca no’dyāpi svit kiṁsvit tvaṁ jihāsasi |
yeṣām asmākam anyat parāyaṇaṁ naivasti |
tat kutaḥ ? rājasu yojitam aṁho duḥkhaṁ yais teṣām |
svānāṁ kṛtam īhitam apekṣitaṁ yena tasya sambodhanam |
visargānta-pāthe tvaṁ-pada-viśeṣaṇam ||
kaivalya-dīpikā : api iti |
kṛṣṇa-prayāṇaṁ niṣedhayati |
api aho jihāsasi svān hātum icchasi |
kiṁ ca, vayaṁ hi suhṛdo’nujīvanaś ca |
tvaṁ sva-kṛtehitaḥ svasmin ātmīye kṛtam īhitam abhilaṣitaṁ yena, sa tathā |
svajanasya kāmān pūrayasīty arthaḥ |
rājasu kṣatriyeṣu suyojitaṁ suṣṭhu yogaṁ nītam |
aṁhaḥ pāpaṁ karma yais te tathā ||