Śrīmad Bhāgavatam 1.8.26

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.26

janmaiśvarya-śruta-śrībhir edhamāna-madaḥ pumān |
naivārhaty abhidhātuṁ vai tvām akiñcana-gocaram ||

Translation

— translation pending —

Commentary

Śrīdhara Svāmī

bhāvārtha-dīpikā

saṁpadas tu śreyaḥ-paripanthinya iti āha—janma sat-kule |

janmādibhir edhamāno mado yasya saḥ |

abhidhātuṁ śrī-kṛṣṇa-govindeti vaktum api |

akiṁcanānāṁ gocaraṁ viṣaya-bhūtam ||

Jīva Gosvāmī

krama-sandarbhaḥ

mad-vidha-sampadas tu tat-sambandha-mātra-paripanthitanya ity āha—janmeti ||

Viśvanātha Cakravartī

sārārtha-darśiṇī

loke sampada eva vipada ity āha—janmeti |

abhidhātuṁ kṛṣṇa-govindety abhidhānam api vaktum ||

Baladeva Vidyābhūṣaṇa

vaiṣṇavānandinī

abhidhātuṁ kṛṣṇa govindeti vaktum |

akiñcanānām āsura-sampada-vihīnāṁ gocaraṁ gamyam ||