Premabase · Śrīmad Bhāgavatam · Canto 1 · Chapter 8
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.8.25
← 1.8.241.8.26 →
vipadaḥ santu tāḥ śaśvat tatra tatra jagad-guro |
bhavato darśanaṁ yat syād apunar bhava-darśanam ||
Translation
— translation pending —
Commentary
Madhvācārya
bhāgavata-tātparyam
apunar bhavaṁ darśayati ||
Śrīdhara Svāmī
bhāvārtha-dīpikā
yat yāsu vipatsu |
kīdṛśaṁ darśanam ? nāsti punar api bhava-darśanaṁyasmāt ||
sanātana gosvāmī (dig-darṣinī) : yat yāsu āpatsu na punar bhavasya saṁsāra-duḥkhasya darśanaṁ yasmāt tat |
yad vā, apunarbhavaṁ mokṣaṁ darśayati tucchatayā jñāpayatīti tathā tat |
mahato'pi saraso mahā-samudra iva mokṣa-sukhasyāpi bhagavad-darśanānandas tucchatāṁ darśayatīti nyāyāt ||
(bṛ.bhā. 1.5.86)
Jīva Gosvāmī
krama-sandarbhaḥ
vipada iti |
darśanam avalokanam |
yat yāsu |
apunarbhavam anyatra kutrāpīdṛśa-mādhuryābhāvāt punar na jātaṁ darśanaṁ sāmya-pratītir yasya tat, apūrvam ity arthaḥ ||
Viśvanātha Cakravartī
sārārtha-darśiṇī
kiṁ ca, tā vipada eva me sampada evety āha—vipada iti |
he jagatāṁ guro hita-kāritvena sakṛpottha-vipad-añjana-pradānena sampat-prasāda-ghūrṇā-dhvaṁsin ! yad yāsu vipatsu bhavato darśanaṁ kīdṛśaṁ nāsti, punar api bhavasya saṁsāra-duḥkhasya darśanaṁ yat ||
Baladeva Vidyābhūṣaṇa
vaiṣṇavānandinī
ahaṁ tu tā vipada eva sampado manye ity āha—vipada iti |
tatra deśe kāle ca yady āsu vipatsu bhavatas tava darśanam abhūt |
kīdṛśi? nāsti punar api bhavasya saṁsārasya darśanaṁ yasmāt tat |
anujñālaṅkāraḥ, duḥkhasya prārthanānujñā tatraiva sukha-darśanāt iti tal-lakṣaṇāt ||
← 1.8.241.8.26 →