Śrīmad Bhāgavatam 1.8.24

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.8.24

viṣān mahāgneḥ puruṣāda-darśanād
asat-sabhāyā vana-vāsa-kṛcchrataḥ |
mṛdhe mṛdhe’neka-mahārathāstrato
drauṇy-astrataś cāsma hare’bhirakṣitāḥ ||

Translation

— translation pending —

Commentary

Śrīdhara Svāmī

bhāvārtha-dīpikā

vipad-gaṇam eva darśayati |

viṣād bhīmasya viṣa-modaka-dānāt |

mahāgner jatu-gṛha-dāhāt |

puruṣādā hiḍimbādayo rākṣasās teṣāṁ darśanāt |

asat-sabhāyā dyūta-sthānāt |

abhito rakṣitā āsma abhāvama ||

Jīva Gosvāmī

krama-sandarbhaḥ

asat-sabhāyā draupadī-vastra-vardhanādinā ||

Viśvanātha Cakravartī

sārārtha-darśiṇī

vipad-gaṇam eva darśayati |

viṣād bhīmasya viṣamodaka-dānāt |

mahāgner jatu-gṛha-dāhāt |

puruṣādā hiḍimbādayo rākṣasāḥ |

asat-sabhāyā dyūta-sthānāt ||

Baladeva Vidyābhūṣaṇa

vaiṣṇavānandinī

vipadgaṇam āha—viṣādviṣamamādakāt, mahāgner dīptāl-lākṣā-gṛhāt |

puruṣādānāṁ hiḍambādīnāṁ rakṣasāṁ darśanāt, asat-sabhāyā dyūta-saṁsadaḥ ||