Premabase · Śrīmad Bhāgavatam · Canto 1 · Chapter 8
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.8.20
← 1.8.191.8.21 →
tathā paramahaṁsānāṁ munīnām amalātmanām |
bhakti-yoga-vidhānārthaṁ kathaṁ paśyema hi striyaḥ ||
Translation
— translation pending —
Commentary
Madhvācārya
bhāgavata-tātparyam
bhakti-yoga-vidhāna-viṣayam ||
Śrīdhara Svāmī
bhāvārtha-dīpikā
kiṁ ca, parama-haṁsānām ātmānātma-viveke |
hi striyaḥ ||
Jīva Gosvāmī
krama-sandarbhaḥ
tatheti, tathā ca satīty arthaḥ |
amalātmanāṁ munīnāṁ madhye ye paramahaṁsā ātmārāmās teṣāṁ sa-prema-sampādana-prayojanakaṁ tvām ||
Viśvanātha Cakravartī
sārārtha-darśiṇī
strī-jāter mama kā vārtā ? sarvajñā munayaḥ paramaṁsā api yal-līlā-mādhuryeṇākṛṣṭāḥ bhajanty eva tad-bhajana-tattvam apy avidvāṁso līlā-lāsyaṁ kiṁ jñāsyanti ? ity āha—parameti |
amalātmanāṁ guṇa-maya-mālinyān niṣkrāntānāṁ jīvan-muktānām ity arthaḥ |
teṣām api bhakti-yoga-vidhānam arthaḥ prayojanaṁ yasya tam |
yad uktaṁ—ātmārāmāś ca [bhā.pu. 1.7.10] ity ādau kurvanty ahaitukīṁ bhaktim iti ||
Baladeva Vidyābhūṣaṇa
vaiṣṇavānandinī
atha bhakti-svabhāvodgataṁ dainyaṁ dyotayanty āha—tatheti |
amalātmanāṁ karmānuṣṭhānādi-malān-nirgatānāṁ bhakti-yogasya yad-vidhānaṁ jananaṁ so'harthe yasya taṁ, śrī-śukādīnāṁ tvāṁ dhyāyatāṁ vinā tvad-vīkṣāmatyākulānāṁ vīkṣāpradānena tad-bhakty ānanda-sampattayo'havatīrṇam ity arthaḥ |
striyo vayaṁ pāramahaṁsyādi-dharmaśūnyāḥ ||
← 1.8.191.8.21 →