Śrīmad Bhāgavatam 1.7.54

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.7.54

kuru pratiśrutaṁ satyaṁ yat tat sāntvayatā priyām |
priyaṁ ca bhīmasenasya pāñcālyā mahyam eva ca ||

Translation

— translation pending —

Commentary

Śrīdhara Svāmī

bhāvārtha-dīpikā

tava ca pratijñāṁ pūrayety āha—kurv iti |

priyāṁ sāntvayatā tvayā yat pratiśrutaṁ hananaṁ tac ca satyaṁ kuru priyaṁ ca kuru |

mahyaṁ mama |

tatra vadhe bhīmasya priyaṁ bhavati |

avadhe draupadyāḥ |

dvaye śrī-kṛṣṇasya ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

tvayā yat pratiśrutaṁ pratijñātam āhariṣye śiras tasyeti tad asya śiraś-chedaṁ vadhaṁ kuru |

tam eva bhīmasenasya priyaṁ kuru |

pāñcālyāḥ priyam avadhaṁ ca mahyaṁ mama ca tadādīnāṁ mat-priyatvād ubhayam api priyaṁ kuru ||

Baladeva Vidyābhūṣaṇa

vaiṣṇavānandinī

āhariṣye śirastasyeti tava pratiśrutaṁ, bhīmasya priyaṁ tad-vadhaṁ pāñcālyāḥ priyaṁ tad avadhaṁ, mama bhīmādi-priyatvādubhayaṁ tat sarvaṁ kuru ||