Premabase · Śrīmad Bhāgavatam · Canto 1 · Chapter 7
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.7.53
← 1.7.521.7.54 →
śrī-bhagavān uvāca—
brahma-bandhur na hantavya ātatāyī vadhārhaṇaḥ |
mayaivobhayam āmnātaṁ paripāhy anuśāsanam ||
Translation
— translation pending —
Commentary
Śrīdhara Svāmī
bhāvārtha-dīpikā
vadhārhaṇo vadhārhaḥ |
mayaiva śāstra-kṛtā brāhmaṇo na hantavyaḥ |
tathā —ātatāyinam āyāntam api vedānta-pāragam |
jighāṁsīyān na tena brahma-hā bhavet ||
tad ubhayam apy anuśāsanaṁ paripālaya ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
brāhmaṇo na hantavya iti |
ātatāyinam āyāntam api vedānta-pāragaḥ jighāṁsantaṁ jighāṁsīyān na doṣo manur abravīd iti ubhayam evāmnātam āmnāya-kṛtā mayaivānujñātaṁ śāsanaṁ paripālaya |
tena brāhmaṇatvaṁ vartata eva ity aśvatthāmā na hantavya iti mama matam, yat tu brahma-bandhum imaṁ jahīti pūrvam uktaṁ tat tava dharma-parīkṣārtham eva tatrāpi brahma-bandhum imaṁ mā jahi trātum arhasi |
tathā virathaṁ bhītaṁ ripuṁ dharma-vin na hantīti tathā tad-vadhas tasya hi śreya iti na tu vadha-kartur iti tathā tad asau vadhyatāṁ bandhana-viṣayībhūtaḥ kriyatām iti tatra vāstavo’rtho’pi mayārpita iti ||
Baladeva Vidyābhūṣaṇa
vaiṣṇavānandinī
brāhmaṇo na hantavyaḥ, ātatāyinamāyāntam api vedānta-pāragam |
jighāṁ santaṁ jighāṁsīyān na doṣo manur abravīt iti śruti-smṛti-vapuṣā mayaivobhayamāmnātam uktaṁ, tad anuśāsanam ajñāṁ pāhi pālaya ||
← 1.7.521.7.54 →