Premabase
·
Śrīmad Bhāgavatam
·
Canto 1
· Chapter 7
Show
Sanskrit
Hindi
English
Script
IAST
देवनागरी
বাংলা
Commentary
Śrīdhara
Jīva
Viśvanātha
Baladeva
ŚB 1.7.52
← 1.7.51
1.7.53 →
niśamya bhīma-gaditaṁ draupadyāś ca catur bhujaḥ |
ālokya vadanaṁ sakhyur idam āha hasann iva ||
Translation
— translation pending —
Commentary
Śrīdhara Svāmī
bhāvārtha-dīpikā
caturbhujokter ayaṁ bhāvaḥ—bhīmo taṁ hantuṁ pravṛtte draupadyāṁ ca sahasā tan-nivāraṇe pravṛttāyām ubhayoḥ saṁvaraṇāyāviṣkṛta-caturbhuja iti |
sandihānasya sakhyur arjunasya ||
Jīva Gosvāmī
krama-sandarbhaḥ
caturbhuja iti taiḥ |
yad vā, mayaivobhayam āmnātam iti svādeśa-mānanāya darśitaiśvaryam iti bhāvaḥ |
ṭīkāyāṁ tava ca pratijñāyām ity atra ca-śabdād bhīmādīnām icchā ceti jñeyam ||
Viśvanātha Cakravartī
sārārtha-darśiṇī
caturbhuja iti bhīme taṁ hantuṁ pravṛtte draupadyāṁ ca tan-nivāraṇe pravṛttāyām ubhayor vāraṇārthaṁ bhuja-catuṣṭayaṁ prakaṭayāmāseti bhāvaḥ |
hasann iveti sakhe tvad-buddher adya sūkṣmatvaṁ parīkṣiṣye ity etad vyañjakaṁ smita-mātram āviṣkurvan na tu hāsyam ity arthaḥ ||
Baladeva Vidyābhūṣaṇa
vaiṣṇavānandinī
caturbhuja iti hantuṁ pravṛttaṁ bhīmaṁ tan-nivāraṇa-pravṛttāṁ kṛṣṇāṁ ca nivartamituṁ tadā caturo bhujān dadhāv iti bhāvaḥ |
hasann iveti he sakhe! tvad-buddher asya saukṣmyat parīkṣyaṁ mayeti smitaṁ prakaṭayann ity arthaḥ ||
← 1.7.51
1.7.53 →