Premabase · Śrīmad Bhāgavatam · Canto 1 · Chapter 7
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.7.14
← 1.7.131.7.15 →
bhartuḥ priyaṁ drauṇir iti sma paśyan
kṛṣṇā-sutānāṁ svapatāṁ śirāṁsi |
upāharad vipriyam eva tasya
jugupsitaṁ karma vigarhayanti ||
Translation
— translation pending —
Commentary
Madhvācārya
bhāgavata-tātparyam
svātmana eva vipriyaṁ na bhartuḥ |
prayojanābhāvāt vipriyam iva ca tasya priyam iti hi prasvāpoktam ||
Śrīdhara Svāmī
bhāvārtha-dīpikā
bhartur duryodhanasya |
smeti vitarke |
ity evaṁ priyaṁ syād iti paśyan |
tasya tad vipriyam eveti vākyāntaram |
vipriyatve hetuḥ—jugupsitam iti ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
bhartur duryodhanasya evaṁ priyaṁ syād iti paśyan, vastutas tu tasya duryodhanasya vipriyam eva tat prathamaṁ śatru-vadha-śravaṇena harṣodayāt paścāt sparśena bhīmādīnāṁ sva-śatrūṇām avadha-jñānāt bāla-vadhāc ca kuru-vaṁśa-lopa-śravaṇāc ca viṣādotpatter harṣa-viṣādābhyāṁ ca tan-mṛtyu-prāpter iti bhāvaḥ |
ata evāha—jugupsitam iti ||
Baladeva Vidyābhūṣaṇa
vaiṣṇavānandinī
bhartur duryodhanasyety evaṁ priyaṁ syād iti paśyan drauṇir vastutas tasyāpriyam eva tat |
ādau śatru-vadha-śravaṇena harṣodayāt anantara-sparśena tad-avadhāvagamāc chiśuvadhāc ca kuru-vaṁśa-vilopād viṣādodayāc ca sa mṛta iti tasyāpriyam |
ato jugupasitam iti ||
← 1.7.131.7.15 →