Premabase · Śrīmad Bhāgavatam · Canto 1 · Chapter 7
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.7.12
← 1.7.111.7.13 →
parīkṣito’tha rājarṣer janma-karma-vilāpanam |
saṁsthāṁ ca pāṇḍu-putrāṇāṁ vakṣye kṛṣṇa-kathodayam ||
Translation
— translation pending —
Commentary
Śrīdhara Svāmī
bhāvārtha-dīpikā
yad anyat pṛṣṭhaṁ parīkṣitaḥ prāyopaveśena śravaṇaṁ katham iti’tasya janma mahāścaryam' ity-ādinā tasyottaraṁ vaktum āha—parīkṣita iti |
vilāpanaṁ muktiṁ mṛtyuṁ vā |
saṁsthāṁ mahā-prasthānam |
śrī-kṛṣṇa-kathānām udayo yayā bhavati tathā ||
Jīva Gosvāmī
krama-sandarbhaḥ
kṛṣṇa-kathānām udayo yatra tad yathā bhavatīti mukhyatayā tena pṛṣṭānāṁ kṛṣṇa-kathānām ārambho’pi sūcitaḥ ||
Viśvanātha Cakravartī
sārārtha-darśiṇī
etena tasya putro mahā-yogīty ādinā śukasya vyākhyāne pravṛttiḥ katham iti yat pṛṣṭaṁ tasyottaram uktaṁ yad anyat pṛṣṭaṁ parīkṣitaḥ prāyopaveśena śravaṇaṁ katham iti tasya janma mahāścaryam ity-ādinā tasyottaram āha—parīkṣita iti |
vilāpanaṁ mṛtyum |
yad vā, leper ṇyantāl luṭā śrī-bhāgavata-kathā-vācanam ity arthaḥ |
saṁsthāṁ mahā-prasthānaṁ kṛṣṇa-kathānām udayo yatra tad yathā syād iti śrī-bhāgavatasya tatraiva tātparyāt ||
Baladeva Vidyābhūṣaṇa
vaiṣṇavānandinī
atha parīkṣitaḥ prāyopaveśa-śravaṇaṁ katham iti tasya janma mahāścaryām ity-ādinā yad anyac ca pṛṣṭaṁ talasyāttaram āha—parīkṣito'theti |
vilāpanaṁ maraṇaṁ, saṁsthāṁ mahā-prasthānaṁ, kṛṣṇa-kathāmudayo yatra tad-yathā syādevam iti tatraiva saṁhitāyās tātparyāt ||
← 1.7.111.7.13 →