Premabase · Śrīmad Bhāgavatam · Canto 1 · Chapter 6
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.6.35
← 1.6.341.6.36 →
etad dhy ātura-cittānāṁ mātrā-sparśecchayā muhuḥ |
bhava-sindhu-plavo dṛṣṭo hari-caryānuvarṇanam ||
Translation
— translation pending —
Commentary
Śrīdhara Svāmī
bhāvārtha-dīpikā
para-prayojanam āha—etad dhīti |
mātrā viṣayās teṣāṁ sparśā bhogās teṣām icchayā āturāṇi cittāni yeṣāṁ teṣāṁ hari-caryānuvarṇanaṁ yad etad eva bhava-sindhau plavaḥ potaḥ |
na kevalaṁ śruti-prāmāṇyena, kintv anvaya-vyatirekebhyāṁ dṛṣṭaḥ evety arthaḥ ||
sanātana gosvāmī (ha.bha.vi. 10.531) : muhur mātrāṇāṁ viṣayāṇām upabhogasyecchayā āturāṇi vikalāni cittāni yeṣāṁ, teṣām api hareḥ caryāyā līlāyā anuvarṇanaṁ yat |
yad vā, muhur ātura-cittānāṁ mātrāsparśecchayāpi yat hari-caryānuvarṇanam, etad eva hi niścitaṁ bhava-sindhoḥplavaḥ potaḥ sukhottara-sādhanam |
na kevalaṁ śruti-prāmāṇyena, kiṁ tu anvyaya-vyatirekābhyāṁ dṛṣṭa evety arthaḥ ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
prakaraṇārtham upasaṁharati—etad iti |
mātrā viṣayāḥ, teṣāṁ sparśā bhogāḥ, tad-icchayā vyākula-cittānāṁ yo bhava-sindhuḥ, tasya plavaḥ potaḥ |
dṛṣṭo mayā sākṣāt pratyakṣīkṛtaḥ, nātra pramāṇāpekṣeti bhāvaḥ |
etad eva hi hari-caritasyānuvarṇanam |
atra sarvatraiva bahv-aṅgāyā api bhakteḥ kīrtanasya mukhyatvāt kīrtanopalakṣitā sarvair eva bhaktir jñeyaḥ ||
Baladeva Vidyābhūṣaṇa
vaiṣṇavānandinī
prakaraṇārtham upasaṁharati—mātrāṇāṁ śabda-sparśādi-viṣayāṇāṁ sparśāḥ śrotrādibhir anubhavās teṣām icchayā ātura-cittānāṁ janānāṁ yo bhava-sindhus tasya plavaḥ poto mayaitad-dṛṣṭaḥ pratyakṣī-kṛtaḥ |
na cātra pramāṇāpekṣeti bhāvaḥ |
etat kiṁ? tatrāha—haricaryeti |
atra bhakteḥ kīrtana-pradhānatvam abhimatam ||
← 1.6.341.6.36 →