Śrīmad Bhāgavatam 1.6.34

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.6.34

pragāyataḥ sva-vīryāṇi tīrtha-pādaḥ priya-śravāḥ |
āhūta iva me śīghraṁ darśanaṁ yāti cetasi ||

Translation

— translation pending —

Commentary

Śrīdhara Svāmī

bhāvārtha-dīpikā

sva-prayojanam āha—pragāyata iti ||

Jīva Gosvāmī

krama-sandarbhaḥ

śrī-bhagavataḥ priyaśravastvaṁ nāma mattaḥ sarveṣāṁ sukham eva bhavatāt naitarat iti dayā-mātrāpekṣayā, na tu sva-pratiṣṭhecchayeti vivecanīyam |

atra yad-rūpeṇa vīṇā grāhitā, tad-rūpeṇaiva cetasi darśanaṁ svārasya-labdham ||

Viśvanātha Cakravartī

sārārtha-darśiṇī

priyaśravā iti |

sva-yaśaḥ-priyatvād yatra yatra yaśo-gānaṁ tatrāyāti |

tīrtha-pāda iti yatrāyāti tat tīrthaṁ bhavati |

āhūta iva āhvānaṁ vināpīti bhagavato bhakti-vaśyatvam uktam ||

Baladeva Vidyābhūṣaṇa

vaiṣṇavānandinī

āhūta iveti vināpy āhvānaṁ, cetasīty upalakṣaṇaṁ

nāhaṁ vasāmi vaikuṇṭhe yogināṁ hṛdaye na ca | mad-bhaktā yatra gāyanti tatra tiṣṭhāmi nārada ||