Śrīmad Bhāgavatam 1.6.33

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.6.33

deva-dattām imāṁ vīṇāṁ svara-brahma-vibhūṣitām |
mūrcchayitvā hari-kathāṁ gāyamānaś carāmy aham ||

Translation

— translation pending —

Commentary

Śrīdhara Svāmī

bhāvārtha-dīpikā

kim iti paryaṭasi ? īśvarājñayā loka-maṅgalārtham ity āha caturbhiḥ |

devena īśvareṇa dattām |

svarā niṣāda-rṣabha-gāndhāra-ṣaḍja-madhyama-dhaivata-pañcamā iti sapta ta eva brahma, brahmābhivyañjakatvāt, tena vibhūṣitām |

svataḥ-siddha-sapta-svarām ity arthaḥ |

mūrcchayitvā mūrcchanālāpavatīṁ kṛtvā ||

Jīva Gosvāmī

krama-sandarbhaḥ

devaḥ śrī-kṛṣṇa eva |

liṅga-purāṇe upari-bhāge tenaiva svayaṁ tasya vīṇā-grāhaṇaṁ hi prasiddham |

svarānāṁ brahmatvam atra tasyāṁ vīṇāyāṁ vinyastānāṁ teṣāṁ sahasā śrī-kṛṣṇa-sphorakatā-śakteḥ |

sā ca—śabda-brahmaṇi nirbhāta-hṛṣīkeśa-padāmbujaṁ [bhā.pu. 6.5.22] iti tad-vidhānubhāvāt |

deva-dattām iti kṛtopakārakatāyāḥ smaryamāṇatvena tam anusandhāyaiva tad-ukteḥ ||

[kṛṣṇa-sandarbha 60]

Viśvanātha Cakravartī

sārārtha-darśiṇī

svargāpavarga-vilakṣaṇā sarvair anyair durlabhā mama bhoga-sāmagrī tu sadā sarvetrety āha dvābhyām |

devena śrī-kṛṣṇena dattāṁ liṅga-purāṇe tenaiva svayaṁ tasya vīṇā-grāhaṇaṁ hi prasiddham |

svarāḥ ṣaḍjādaya eva brahma-sphorakatvād brahma mūrcchayitvā mūrcchanālāpavatīṁ kṛtvā ||

Baladeva Vidyābhūṣaṇa

vaiṣṇavānandinī

kim arthaṁ paryeṣīti ced īśvarājñayā loka-maṅgalāyety āha—deveti caturbhiḥ |

devena kṛṣṇena dattām, evaṁ laiṅge prasiddheḥ |

svarā niṣādādayasta eva brahma-vyañjakatvād-brahma tena vibhūṣitāṁ svata-ḥsiddha-sapta-svarām ity arthaḥ |

mūrchayitvā mūrchanālāpavatīṁ kṛtvā ||