Premabase · Śrīmad Bhāgavatam · Canto 1 · Chapter 6
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.6.31
← 1.6.301.6.32 →
sahasra-yuga-paryante utthāyedaṁ sisṛkṣataḥ |
marīci-miśrā ṛṣayaḥ prāṇebhyo’haṁ ca jajñire ||
Translation
— translation pending —
Commentary
Śrīdhara Svāmī
bhāvārtha-dīpikā
prāṇebhya indriyebhyo’haṁ marīci-miśrās tan-mukhyā ṛṣayaś ca jajñire ||
Jīva Gosvāmī
krama-sandarbhaḥ
sahasra-yugeti |
yuga-śabdo’tra caturyuga-paraḥ |
jajñimaha iti vaktavye jajñira ity ārṣam |
marīci-miśrā ity asyāyaṁ bhāvaḥ |
yathā marīcy-ādīnāṁ brāhma-kalpād anuvṛttānāṁ samprati supta-prabuddhataiva janmocyate, tatheti jñeyam |
atredaṁ vivecanīyam—sarveṣu vaikuṇṭheṣu, sarveṣu kāleṣu ca, śrī-nāradasya nityatā śrūyata iti |
yadyapy etan na ghaṭate, tathāpi nitya-śrī-nārada-sārūpyādikaṁ prāptaṁ mahā-bhāgadheyaṁ jīva-viśeṣam avalambya ghaṭata iti ||
Viśvanātha Cakravartī
sārārtha-darśiṇī
sahasra-yugasya paryante parisamāptau pūrva-kalpānte etat-kalpādāv ity arthaḥ |
marīci-miśrā marīcy-ādyaḥ prāṇebhyaḥ indriyebhyaḥ jajñimaha iti vaktavye jajñire ity ārṣam ||
Baladeva Vidyābhūṣaṇa
vaiṣṇavānandinī
sahasra-yugasya paryante 'vasāne etat-kalpārambhe viṣṇoḥ sakāśād utthāyedaṁ jagat sisṛkṣate viriñcasya prāṇebhyo marīci-miśrās tat-prabhṛtayo'haṁ ca jajñimahe prathama-puruṣa ārṣaḥ ||
← 1.6.301.6.32 →