Premabase · Śrīmad Bhāgavatam · Canto 1 · Chapter 6
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.6.27
← 1.6.261.6.28 →
nāmāny anantasya hata-trapaḥ paṭhan
guhyāni bhadrāṇi kṛtāni ca smaran |
gāṁ paryaṭaṁs tuṣṭa-manā gata-spṛhaḥ
kālaṁ pratīkṣan vimado vimatsaraḥ ||
Translation
— translation pending —
Commentary
Śrīdhara Svāmī
bhāvārtha-dīpikā
anantasyanāmānipaṭhann anavarataṁ gṛṇan hata-trapas tyakta-lajjo vimatsaro jāto’smīti śeṣaḥ ||
kaivalya-dīpikā : nāmāni iti |
īdṛśasya ca kṛta-kṛtyatayā priyātithitvat mṛtyuṁ pratīkṣakatvāt na kiñcid vai kalyam astīty āha—nāmāni iti |
trapā lajjā |
kṛtāni karmāṇi |
kālaṁ mṛtyum |
apadaḥ asvīkṛta-sthāna-viśeṣaḥ |
ita ārabhya nāradaḥ kuntīty-ādi-śabdau vaktṛ-nirdeśa-mātra-vivakṣayā na tu bhakti-vivakṣayeti jñeyam, viṣṇu-grahaṇasya jñāpakatvāt ||
[mu.pha. 19.27]
Jīva Gosvāmī
krama-sandarbhaḥ
guhyāni gopyāni yāni bhadrāṇi sarvottamāni kṛtāni, preyasy-ādibhiḥ saha prema-paripāṭī-maya-līlāḥ, tāni tu yathādhikāraṁ smarann eva, na tu prakāśayan |
tata eva tuṣṭa-manāḥ spṛhāntara-śūnyaś ca san pūrvata eva tu vimado vimatsaraś ca san, kevalaṁ kālaṁ tat-kṛpāvasaraṁ pratīkṣamāṇo’haṁ babhūveti śeṣaḥ ||
Viśvanātha Cakravartī
sārārtha-darśiṇī
kṛtāni caritāni kālaṁ pratīkṣan,"sa kālo me kadā bhaviṣyati yatra tat-pārṣadatāṁ yāsyāmīti bhagavat-pārṣado bhaviṣyāmi ? ko’nyo varāko mat-samaḥ ?" ity evaṁ mada-matsarau mama nābhūtām ||
Baladeva Vidyābhūṣaṇa
vaiṣṇavānandinī
kṛtāni caritāni, gāṁ pṛthivīṁ, kālaṁ pratīkṣan sa kālo me kadāyāsyati yatra taj-janatā bhāvinīti tam apekṣamāṇaḥ, ko'nyo varāko mat-tulye bhaved iti mada-matsara-śūnyaḥ ||
← 1.6.261.6.28 →