Śrīmad Bhāgavatam 1.6.17

Show

SanskritHindiEnglish

Script

IASTदेवनागरीবাংলা

Commentary

ŚrīdharaJīvaViśvanāthaBaladeva

ŚB 1.6.17

dhyāyataś caraṇāmbhojaṁ bhāva-nirjita-cetasā |
autkaṇṭhyāśru-kalākṣasya hṛdy āsīn me śanair hariḥ ||

Translation

— translation pending —

Commentary

Śrīdhara Svāmī

bhāvārtha-dīpikā

bhāvena bhaktyā nirjitaṁ vaśī-kṛtaṁ yac cetas tena |

autkaṇṭhyenāśru-kalā-yukte akṣiṇī yasya ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

bhāva-nirjitena prema-vaśīkṛtena cetasā manasā hṛdi manasy eva dhyāyatomama hariḥ śanaiḥ krameṇa āsīt, āgatyāgre babhūva |

yad vā, śanair iti prathamaṁ hṛdy āvirbabhūva |

tato hṛd-vṛttiṣu tisṛṣu nāsikā-śrotra-cakṣuṣv api sāṅga-saurabhya-nūpura-sausvarya-śrī-mukha-saundarya-grahaṇārtham āvirbabhūva |

kīdṛśasya mama ? autkaṇṭhyenāśrūṇi kalayato dhārayato’kṣiṇī yasya tasya ||

Baladeva Vidyābhūṣaṇa

vaiṣṇavānandinī

bhāvena promṇā nirjitaṁ vaśīkṛtaṁ yac-ceto manas tena |

autkaṇṭhyenāśrukale vāṣpavarṣiṇī akṣiṇī yasya |

śanair iti rūpa-bhūṣaṇa-svara-cchavi-krameṇety arthaḥ ||