Premabase · Śrīmad Bhāgavatam · Canto 1 · Chapter 6
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.6.15-16
← 1.6.13-141.6.17 →
pariśrāntendriyātm āhaṁ tṛṭ-parīto bubhukṣitaḥ |
snātvā pītvā hrade nadyā upaspṛṣṭo gata-śramaḥ ||
tasmin nirmanuje’raṇye pippalopastha āśritaḥ |
ātmanātmānam ātmasthaṁ yathā-śrutam acintayam ||
Translation
— translation pending —
Commentary
Śrīdhara Svāmī
bhāvārtha-dīpikā
pariśrāntānīndriyāṇy ātmā dehaś ca yasya |
tṛṣā parīto vyāptaḥ |
upaspṛṣṭa ācāntaḥ ||
pippalopasthe aśvattha-mūle |
āśritaḥ upaviṣṭaḥ |
ātmanā buddhyā manasā vā |
ātma-sthaṁ hṛdi-stham |
ātmānaṁ paramātmānam ||
Jīva Gosvāmī
krama-sandarbhaḥ
pariśrānteti yugmakam ||
Viśvanātha Cakravartī
sārārtha-darśiṇī
pippalopasthe aśvattha-mūle |
āśritaḥ upaviṣṭaḥ |
ātmanā buddhyā |
ātma-stham upapanna-prematvān manasy avicchedenaiva kṛta-vāsam |
ātmānaṁ paramātmānam |
tathāpi yathā-śrutaṁ mantropadiṣṭa-dhyānam atikramya acintayam ||
Baladeva Vidyābhūṣaṇa
vaiṣṇavānandinī
parīti—ātmā dehaḥ, tṛṣā parīto vyāptaḥ, upaspṛṣṭaḥ kṛtācamanaḥ ||
pippalopasthe 'śvatthāmūle āśrita upaviṣṭaḥ, ātmanā buddhyā, ātmani jāta-premaṇi manasi sthitaṁ sphurantam ātmānaṁ keśavama-cintayam |
ātmā puṁsi svabhāve ca prayatna-manasor api | dhṛtāv api manīṣāyāṁ śarīra-brahmaṇor api ||
← 1.6.13-141.6.17 →