Śrīmad Bhāgavatam 1.6.18

Show

SanskritHindiEnglish

Script

IASTदेवनागरीবাংলা

Commentary

MadhvācāryaŚrīdharaJīvaViśvanāthaBaladeva

ŚB 1.6.18

premātibhara-nirbhinna- pulakāṅgo’tinirvṛtaḥ |
ānanda-samplave līno nāpaśyam ubhayaṁ mune ||

Translation

— translation pending —

Commentary

Madhvācārya

bhāgavata-tātparyam

ubhayaṁ dvitīyaṁ nāpaśyaṁ, tam evāpaśyam ||

Śrīdhara Svāmī

bhāvārtha-dīpikā

premṇo’tibhareṇa nirbhinna-pulakāny aṅgāni yasya |

ānandānāṁ saṁplave mahā-pure paramānande |

ubhayam ātmānaṁ paraṁ ca ||

Jīva Gosvāmī

krama-sandarbhaḥ

na vyākhyātam.

Viśvanātha Cakravartī

sārārtha-darśiṇī

premṇo’tibhareṇa atyādhikyena nirbhinnāni atibhinnāni pulaka-yuktāni ca aṅgāni yasya saḥ |

prema-rūpāṇy eva sarvāṇy aṅgāni tadānīm abhavann ity arthaḥ |

yad vā, niḥśeṣeṇa bhinnāni vidīrṇānīva voḍhum asāmarthyād eveti bhāvaḥ |

ānanda-samplave līno labdhānanda-mūrccha ity arthaḥ |

ubhayam ātmānaṁ paraṁ ca nāpaśyam ||

Baladeva Vidyābhūṣaṇa

vaiṣṇavānandinī

premṇo'tibhareṇādhikyena nirbhinnāni miśritāni pulakavanty aṅgāni yasya saḥ, kadamba-kalikopama-kāya ity arthaḥ |

ati-nirvṛtaḥ prahṛṣṭaḥ |

ānandānāṁ saṁplave pravāhe līno'tisukha-mūrcchitaḥ |

ubhayaṁ svamanyaṁ ca nāpaśyam nāvidam autkaṇṭhya-vivṛddhaye hares tirodhānam abhūd ity āha—rūpam iti |

śucāpahaṁ śokaharaṁ sahasā tad-rūpam apaśyann aham uttasthau vyatthitaḥ |

uttamaṇali rūpam |

durmanā iveti prāpta-vicyutānargha-ratno yathā tadvat ||

18-19||