Premabase · Śrīmad Bhāgavatam · Canto 1 · Chapter 6
Show
SanskritHindiEnglish
Script
IASTदेवनागरीবাংলা
Commentary
MadhvācāryaŚrīdharaJīvaViśvanāthaBaladeva
ŚB 1.6.13-14
← 1.6.121.6.15-16 →
citra-svanaiḥ patra-rathair vibhramad bhramara-śriyaḥ |
nala-veṇu-śara-stamba- kuśa-kīcaka-gahvaram ||
eka evātiyāto’ham adrākṣaṁ vipinaṁ mahat |
ghoraṁ pratibhayākāraṁ vyālolūka-śivājiram ||
Translation
— translation pending —
Commentary
Madhvācārya
bhāgavata-tātparyam
mṛgayā-jīvināṁ kheṭo vāṭī puṣpojīvinām | grāmo bahu-janākīrṇo rāja-rājāśrayaṁ puram | jalasthalāyate sphītaṁ pattanaṁ kīrtyate budhaiḥ ||
Śrīdhara Svāmī
bhāvārtha-dīpikā
citrāḥ svanā yeṣāṁ taiḥ patra-rathaiḥ pakṣibhis tan-nāda-prabuddhair ity arthaḥ |
vibhramadbhir bhramaraiḥ śrīḥ śobhā yāsāṁ tāḥ nalinīratiyāto’tikramya gataḥ san mahad vipinaṁ vanam adrākṣam |
kīdṛśam ? nala-veṇu-śarāṇāṁstambhaiḥ kuśaiḥ kīcakaiś ca gahvaraṁ durgatam |
tatra veṇu-jātaya eva vipulāntarāla-garbhāḥ kīcakāḥ ghoraṁ duḥsaham |
pratibhayākāraṁ bhayaṅkara-rūpam |
vyālādīnām ajiraṁ krīḍā-sthānam ||
Jīva Gosvāmī
krama-sandarbhaḥ
na vyākhyātam.
Viśvanātha Cakravartī
sārārtha-darśiṇī
kīdṛśīḥ ? patra-rathaiḥ pakṣibhir hetu-bhūtair vibhramadbhir prabuddhā itas tataś caladbhir bhramaraiḥ śrīḥ śobhā yāsāṁ tāḥ |
atiyātaḥ atikramya yātaḥ nalādibhir gahvaraṁvipinamadrākṣam ity anvayaḥ |
stambo gucchas tṛṇādinaḥ |
veṇavaḥ kīcakās te syur ye svananty aniloddhatāḥ ity amaraḥ ||
ghoraṁ duṣprekṣyaṁ yataḥ pratibhayākāraṁ bhayaṅkara-rūpam |
vyālādīnām ajīraṁ krīḍā-sthānaṁ, teṣu teṣu bahu-vismayāspadeṣu bhītyāspadeṣu ca dṛṣṭeṣv api na me vismayo nāpi bhītir abhūt man-manas tadā bhagavan-mādhuryāsvāda-mātrāviṣṭatvād iti bhāvaḥ ||
Baladeva Vidyābhūṣaṇa
vaiṣṇavānandinī
tāḥ kīdṛśīr ity āha—patra-rathaiḥ pakṣibhir hetubhir vibhramadbhir bhramaraiḥ śrīḥ śobhā yāsāṁ tāḥ |
patatri-patri-pataga-patat-patra-rathāgujāḥ ity amaraḥ |
nalādīnāṁ stambair gucchaiḥ kuśaiḥ kīcakaiś ca gahvaraṁ durgamam |
veṇavaḥ kīcakās te surye svanantya-niloddhatāḥ ity amaraḥ ||
ghoraṁ durnirīkṣyaṁ yataḥ pratibhayākāraṁ bhayaṅkara-rūpaṁ bhayaṅkaraṁ pratibhayam ity amaraḥ |
vyālāḥ sarpāḥ, ulūkāḥ ghūkāḥ, śivāḥ śṛgālyaḥ teṣām ajiraṁ krīḍā-sthānam |
tathā ca vismaya-bhayāspadeṣu teṣu dṛṣṭeṣv api na me vismayabhaye, keśavāviṣṭa-manaskatvāt ||
← 1.6.121.6.15-16 →