Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.39
← 1.5.381.5.40 →
imaṁ sva-nigamaṁ brahmann avetya mad-anuṣṭhitam |
adān me jñānam aiśvaryaṁ svasmin bhāvaṁ ca keśavaḥ ||
Translation
— translation pending —
Commentary
Śrīdhara Svāmī
bhāvārtha-dīpikā
evaṁ kṛtavati mayi hariḥ sva-sadṛśaṁ jñānādikaṁ dattavān ity āha |
imaṁ sva-nigamaṁ svopadeśaṁ mad-anuṣṭhitaṁ mayānuṣṭhitam avetya jñātvā |
bhāvaṁ ca prītiṁ ca ||
Jīva Gosvāmī
krama-sandarbhaḥ
sva-nigamaṁ nijāntaraṅga-parama-veda-rūpam |
prathamato jñānaṁ svānubhavam |
tata aiśvaryaṁ svāṇimādi-rūpam |
tatas tatrānāsaktau bhāvaṁ sva-mahā-premāṇaṁ ca ||
Viśvanātha Cakravartī
sārārtha-darśiṇī
sva-nigamaṁ nijāntaraṅga-vedoktaṁ jñānaṁ prathamataḥ svānubhavam |
tata aiśvaryaṁ svāṇimādi-rūpam |
tatas tatra mamānāsaktim abhipretya bhāvaṁ sva-mahā-premāṇaṁ ca adāt |
tataś ca mahyam apīmaṁ mantraṁ kṛpayopadiśeti prārthitena śrī-nāradena vyāsas tam eva mantram upadiṣṭam iti sudhīrbhir boddhavyam ||
Baladeva Vidyābhūṣaṇa
vaiṣṇavānandinī
imaṁ mantraṁ japati mayi kṛṣṇasya mahān prasādo'bhūd ity āha—svanigamaṁ svamantraṁ mad anuṣṭhitaṁ mayā japtam avetyāti-prasannaḥ keśavaḥ sva-viṣayakaṁ jñānam aiśvaryañcāṇamādikam adāt tenāpy ahṛṣṭāya mahyaṁ svasmin bhāvaṁ premāṇañcādāt, tataś ca prārthito nāradaḥ svaṁ mantraṁ vyāsam upādikṣad iti bodhyam ||
← 1.5.381.5.40 →