Premabase · Śrīmad Bhāgavatam · Canto 1 · Chapter 5
Show
SanskritHindiEnglish
Script
IASTदेवनागरीবাংলা
Commentary
ŚrīdharaJīvaViśvanāthaBaladeva
ŚB 1.5.34
← 1.5.331.5.35 →
evaṁ nṛṇāṁ kriyā-yogāḥ sarve saṁsṛti-hetavaḥ |
ta evātma-vināśāya kalpante kalpitāḥ pare ||
Translation
— translation pending —
Commentary
Śrīdhara Svāmī
bhāvārtha-dīpikā
tathā ātma-vināśāya karma-nivṛttaye kalpante samarthā bhavanti |
pare īśvare kalpitā arpitā santaḥ |
atra prathamaṁ mahat-sevā, tataś ca tat-kṛpā, tatas tad-dharma-śraddhā, tato bhagavat-kathā-śravaṇam, tato bhagavati ratiḥ, tayā ca deha-dvaya-vivekātma-jñānam, tato dṛḍhā bhaktiḥ, tato bhagavat-tattva-jñānam, tatas tat-kṛpayā sarvajñatvādi-bhagavad-guṇāvirbhāva iti kramo darśitaḥ ||
Jīva Gosvāmī
bhakti-sandarbhaḥ
pare bhagavati kalpitāḥ kāmanayāpy arpitāḥ santaḥ saṁsāra-dhvaṁsa-paryanta-phalatvād ātma-vināśāya karma-nivṛttaye kalpante ||
[bhakti-sandarbha 221]
Jīva Gosvāmī
krama-sandarbhaḥ
evam iti |
ātma-śabdo’tra karma-jāti-paraḥ ||
Viśvanātha Cakravartī
sārārtha-darśiṇī
kriyā-yogāḥ karma-yogāḥ sarve nityāḥ kāmyāḥ naimittikāś ca niṣkāmāḥ parameśvare kalpitāḥ samarpitāḥ santaḥ ātma-vināśāya karma-nivṛttaye kalpante samarthā bhavanti ||
Baladeva Vidyābhūṣaṇa
vaiṣṇavānandinī
evaṁ sarve nity-ādi-kāmyāntā kriyā-yogā nṛṇāṁ saṁsṛti-hetavas tāpakarās ta eva pare bhagavati kalpitā niveditāḥ santaḥ ātma-vināśāya kalpante, bhagavad-arpaṇa-guṇa-bhāvitā auṣadha-bhāvita-ghṛtādivat sva-niṣṭha-tāpakatāṁ nāśayanti, balārogyam iva tat-toṣaṁ janayantīty arthaḥ |
ātmano liṅga-śarīrasya vināśāyety eke ||
← 1.5.331.5.35 →